site
stats
پاکستان

شمالی کوریا کے میزائل تجربات پر تشویش ہے،پاکستان دفتر خارجہ

اسلام آباد: پاکستان نے شمالی کوریا کی جانب سے میزائل تجربے پر تشویش کا اظہار کرتے ہوئے کہا ہے کہ میزائل تجربہ اقوام متحدہ کی قرار داروں کی خلاف ورزی ہے، خطے کو ایٹمی ہتھیاروں سے پاک کیا جائے۔

دفتر خارجہ کے ترجمان نفیس ذکریا نے کہا ہے کہ شمالی کوریا کی جانب سے تین اگست کوہونے والے میزائل تجربے پر تشویش ہے، اقدام سے خطے کا امن و استحکام متاثر ہوگا ایسے اقدامات سے اجتناب برتا جائے تو بہتر ہوگا۔

دفتر خارجہ نے کہا ہےکہ شمالی کوریا کا میزائل تجربہ اقوام متحدہ کی قراردادوں کی خلاف ورزی ہے،چھ فریقی مذاکرات کے تحت خطے کو ایٹمی ہتھیاروں سے پاک کیا جائے جس کے لیے تمام ممالک اپنی ذمہ داریاں پوری کریں۔

واضح رہے دو روز قبل شمالی کوریا کی جانب سے دو بلاسٹک میزائل کا کامیاب تجربہ کیا تھا جس میں ایک میزائل جاپان کے سمندر میں فائر کیا گیا جب کہ دوسرا شمالی کوریا کے میدانی علاقے میں کیا گیا۔

شمالی کوریا کی جانب سے بلاسٹک میزائل کے کامیاب تجربے کو عالمی سطح پر تنقید کا نشانہ بنایا جا رہا ہے،امریکہ،جاپان اور جنوبی کوریا سمیت کئی دیگر ممالک پہلے ہی میزائل تجربات کو اقوام متحدہ کی قراردادوں کے منافی اور خطے میں طاقت کے توازن میں بگاڑ قرار دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top