سیول : جنوبی کوریا کی آئینی عدالت جمعے کوصدر پارک گن کے مواخذے کے بارے میں حتمی فیصلہ کرے گی۔
تفصیلات کےمطابق جنوبی کوریا کی آئینی عدالت کی ویب سائٹ پرجاری بیان میں کہاگیاہےکہ صدرکومستقل عہدے سے ہٹانے یابحالی کے بارے میں حتمی فیصلہ جمعے کو دن 11 بجے دیاجائے گا۔
جنوبی کوریا کی آئینی عدالت نے بیان میں کہنا ہے کہ عوامی آگہی کےلیے عدالتی فیصلہ براہ راست نشر کیا جائےگا۔
مزید پڑھیں:جنوبی کوریا میں لاکھوں افراد کا صدرکے خلاف مظاہرہ
خیال رہےکہ صدرپارک گن کے خلاف مواخذے کی قرارداد 9 دسمبر کوپارلیمنٹ نے واضح اکثریت سے منظورکی تھی۔
یاد رہےکہ صدر کی سہیلی چوئی سون سل دھوکہ دہی اور طاقت کے ناجائز استعمال کےالزامات میں زیر حراست ہیں۔ان پر جنوبی کوریا کی کمپنیوں سے بھی بھاری رقم بٹورنے کے الزامات ہیں۔
مزید پڑھیں:جنوبی کوریاکی خاتون صدرعہدہ چھوڑنےکےلیےتیار
واضح رہےکہ گزشتہ سال نومبر میں جنوبی کوریاکی صدرنے پارلیمان سے کہاتھاکہ وہ انہیں عہدہ چھوڑنےکےلیے راستہ تلاش کرنےمیں مدد کرے۔
