پی ٹی آئی جنوبی پنجاب کے عوام کو ان کا جائزحق ضرور دلوائے گی، جہانگیر ترین -
The news is by your side.

Advertisement

پی ٹی آئی جنوبی پنجاب کے عوام کو ان کا جائزحق ضرور دلوائے گی، جہانگیر ترین

اسلام آباد : تحریک انصاف کے سینیئر رہنما جہانگیر ترین نے کہا ہے کہ پی ٹی آئی جنوبی پنجاب کے عوام کو ان کا جائزحق ضرور دلوائے گی، عمران خان کی قیادت میں پاکستان کو فلاحی ریاست بنائیں گے۔

تفصیلات کے مطابق صوبہ جنوبی پنجاب اور سیکریٹریٹ کے قیام کے معاملے پر جہانگیر ترین سے پی ٹی آئی کے سینئر رہنماؤں اور وفاقی وزراء نے ملاقات کی، ملاقات میں جنوبی پنجاب صوبے کے قیام اور اپوزیشن سے نمٹنے سے متعلق تبادلہ خیال کیا گیا۔

اس موقع پر گفتگو کرتے ہوئے جہانگیر ترین نے کہا کہ پاکستان تحریک انصاف جنوبی پنجاب کے عوام کو ان کا جائز حق ضرور دلوائے گی، جنوبی پنجاب کے مسائل اب لاہور نہیں۔

جنوبی پنجاب میں ہی حل ہوں گے کیونکہ جنوبی پنجاب سیکریٹریٹ جولائی کے اوائل سے کام شروع کر دے گا، جہانگیر ترین کا مزید کہنا تھا کہ لوگوں نے پی ٹی آئی کو ووٹ عوام دوست قانون سازی کیلئے دیئے ہیں، عمران خان کی قیادت میں پاکستان کو فلاحی ریاست بنائیں گے۔

مزید پڑھیں: جنوبی پنجاب صوبہ پی ٹی آئی دورمیں ہی بنے گا‘جہانگیرترین

اس سے قبل گزشتہ ماہ لودھراں میں میڈیا سے گفتگو کرتے ہوئے پاکستان تحریک انصاف کے رہنما جہانگیر ترین نے کہا تھا کہ جنوبی پنجاب صوبہ پی ٹی آئی دورمیں ہی بنےگا،جس کیلیے کام جاری ہے۔

انہوں نے کہا کہ جنوبی پنجاب صوبہ بننے میں بہت سے مسائل درپیش ہیں، پانی کی تقسیم، این ایف سی ایوارڈ کی سینیٹ میں منظوری لی جائے گی۔

Comments

comments

یہ بھی پڑھیں