The news is by your side.

Advertisement

جنوبی پنجاب صوبہ محاذ تحریک انصاف میں ضم

اسلام آباد: جنوبی پنجاب صوبہ محاذ کے سرکردہ ارکان نے پاکستان تحریکِ انصاف میں شامل ہونے کا فیصلہ کرلیا ، آج دوپہر جہانگیر ترین سے ملاقات کریں گے، کل عمران خان کے ہمراہ پریس کانفرنس میں اعلان کریں گے

تفصیلات کے مطابق پاکستان تحریک ِ انصاف کےترجمان فواد چودھری نے تصدیق کی ہے کہ جنوبی پنجاب صوبہ محاذ کے اراکین تحریکِ انصاف میں شمولیت کے لیے تیار ہیں ، 15 مرکزی ارکان سمیت کل 20 افراد شمولیت اختیار کریں گے۔

فواد چودھری کا کا کہنا ہے کہ تحریکِ انصاف اور جنوبی پنجاب صوبہ محاذ کے درمیان مذاکرات اختتام پذیر ہوچکے ہیں، کل خسر و بختیار اپنے ساتھیوں کے ساتھ تحریک ِ انصاف کے سربراہ عمران خان کے ہمراہ مشترکہ پریس کانفرنس میں اس کا اعلان کریں گے۔

یہ بھی بتایا جارہا ہے کہ اس سے قبل جنوبی پنجاب صوبہ محاذ کے اراکین تحریک انصاف کے رہنما جہانگیر ترین سے آج دوپہر ملاقات کریں گے ، جس کے لیے اراکین ملتان سے اسلام آباد کی جانب روانہ ہوچکے ہیں۔

خیال رہے کہ کچھ روز قبل سابق رہنما مسلم لیگ ن خسرو بختیار نے میڈیا سے گفتگو کرتے ہوئے کہا تھا کہ ایسی جماعت سے اتحاد کریں گے، جس کا پہلا ایجنڈا جنوبی پنجاب کا قیام ہو، ن لیگ نے اب جنوبی پنجاب کی آفر کی، تو کہوں گا کہ بہت دیر کردی مہرباں آتے آتے، پی ٹی آئی ٹھوس مؤقف سامنے لائے گی، تو ان سے بات ہو سکتی ہے۔.

مسلم لیگ (ن) کے منحرف رہنما کا یہ بھی کہنا تھا کہ جنوبی پنجاب کے عوام کا مسئلہ غربت، بے روزگاری اور بیڈ گورننس ہے، لاہور میٹرو 240 جبکہ جنوبی پنجاب کا بجٹ 206 ارب ہے، لوگ بنیادی سہولیات سے محروم ہیں، حکومت نے اب تک کوئی خاطر خواہ اقدامات نہیں کیے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں