کراچی : آئی جی سندھ ڈاکٹرسید کلیم امام کا کہنا ہے کہ سندھ پولیس میں پہلی بارخاتون افسر سہائے عزیز نے ایس آئی یو ٹی کو اعضا عطیہ کرنے کا فیصلہ کیا ہے۔
تفصیلات کے مطابق آئی جی سندھ ڈاکٹرسید کلیم امام نے تقریب سے خطاب کرتے ہوئے کہا بڑی خوشی ہوتی ہے سندھ پولیس میں بہترین افسران کام کر رہے ہیں، خواتین اہلکاروں کی پولیس میں بھرتی کا کوٹہ 5 سے 10 فیصد کردیا ہے۔
آئی جی سندھ کا کہنا تھا کہ کانسٹیبل کم کرکے اب اے ایس آئی کے عہدوں پر بھرتیاں کریں گے ، کیئر سینٹر بنائیں گے، جہاں خواتین اہلکاروں کے لئے روم ہوں گے جبکہ خواتین اہلکاروں کیلئے شٹل سروس بھی چلائی گئی ہے۔
ڈاکٹرسید کلیم امام نے کہا یواین میں دوبارمنتخب ہوالیکن قانون ہے خاتون مد مقابل ہو تو اس کو جگہ ملتی ہے، پی ایس ایل میچز کے دوران آپ لوگ نے اچھے سے ڈیوٹی کرنی ہے، مہمانوں کو معلوم ہو ان کی حفاظت یقینی ہے ہم کتنی محنت کر رہے ہیں۔
ان کا کہنا تھا کہ خواتین کے عالمی دن پر سندھ پولیس میں پہلی بار خاتون افسر سہائے عزیز نے ایس آئی یوٹی کو اپنے اعضا عطیہ کرنے کا فیصلہ کیا ہے۔
مزید پڑھیں : دہشت گردوں سے مقابلے میں خاتون پولیس افسر سب سے آگے
یاد رہے کراچی میں چینی قونصل خانے پر حملے کے دوران پولیس کی نڈر خاتون افسر سپریٹنڈنٹ پولیس (ایس پی) سوہائے عزیز سب سے پہلے دہشت گردوں سے مقابلے کے لیے پہنچیں تھیں ، جس پر وزیر اعلیٰ سندھ نے خاتون افسر کو شاباشی دی تھی۔
ایڈیشنل آئی جی پولیس امیر شیخ نے تعریف کرتے ہوئےایس پی سہائی عزیز کو کمانڈو کنگ قرار دیا تھا۔
