The news is by your side.

Advertisement

بریگزٹ : اسپین نے 4 لاکھ برطانوی شہریوں کو شہریت دینے کا اعلان کردیا

میڈرڈ : اسپین نے بغیر کسی ڈیل کے یورپی یونین سے برطانوی انخلاء کی صورت برطانوی شہریوں کو اسپین کا رہائشی پرمٹ جاری کرنے کا اعلان کیا ہے۔

تفصیلات کے مطابق یورپی یونین سے برطانیہ کے بغیر کسی معاہدے کے انخلاء کی صورت میں ہسپانوی حکومت نے یہ فیصلہ کررہی ہے کہ اسپین میں مقیم چار برطانوی شہریوں کو اسپین میں رہائش کا مستقل اجازت نامہ جاری کرے گا۔

ہسپانوی حکومت چاہتی ہے کہ برطانیہ بھی ہسپانوی شہریوں کو اسی طرح رہائشی اجازت نامے جاری کرے جیسے میڈرڈ حکومت 4 لاکھ برطانوی شہریوں کو اجازت نامے جاری کرنے کی کوششیں کررہی ہے۔

مقامی میڈیا کا کہنا ہے کہ میڈرڈ حکومت کو بریگزٹ سے متعلق پالیسی جاری کرنے کے بعد اراکین پارلیمنٹ سے بھی منظور کروانا ہوگی گی۔

واضح رہے کہ یورپی یونین سے برطانوی انخلاء کےلیے بریگزٹ کا لفظ استعمال کیا جارہا ہے اور اگر برطانیہ بغیر کسی ڈیل کے یورپی یونین سے خارج ہوگا اسے ’ہارڈ بریگزٹ‘ کہیں گے۔

مزید پڑھیں: وزیراعظم تھریسا مے نے بریگزٹ پر ووٹنگ موخر کردی

یاد رہے کہ نومبر 2018 میں وزیر اعظم تھریسامے اور یورپی یونین کے سربراہوں کے درمیان بریگزٹ معاہدے پر اتفاق ہوا تھا لیکن ایم پیز نے 230 ووٹوں کی بھاری اکثریت سے معاہدے کو مسترد کردیا تھا۔

دریں اثنا ء کچھ روز قبل برطانیہ کے سابق چانسلر اوسبورن نے کہا تھا کہ یورپی یونین سے برطانیہ کے انخلا کو ملتوی کرنا ہی اس وقت سب سے بہتر آپشن ہے، حکومت کو چاہیے کہ وہ ملک کو اس خطرناک صورتحال کی جانب نہ لے کر جائے۔

خیال رہے کہ جون 2016 میں 52 فیصد برطانوی شہریوں نے یورپی یونین سے نکل جانے کے حق میں ووٹ دیا تھا۔

Comments

comments

یہ بھی پڑھیں