The news is by your side.

Advertisement

اسلام آباد ایئر پورٹ پر غیر ملکی شہری کو اسلحہ ساتھ لے جانے سے روک دیا گیا

اسلام آباد: ایک غیر ملکی شہری کو اسلام آباد ایئر پورٹ پر اسلحہ ساتھ لے جانے سے روک دیا گیا، ذرایع کا کہنا ہے کہ کہ غیر ملکی مسافر اسپین کے سابق وزیر اعظم کا سیکورٹی افسر ہے۔

اے آر وائی نیوز کے مطابق اسپینش نیشنل مینڈیز گارشیا ای وائی 234 پرواز سے ابوظبی جا رہا تھا، ایئر پورٹ پر انھیں اسلحہ ساتھ لے جانے سے روک دیا گیا، غیر ملکی مسافر کے پاس نائن ایم ایم پسٹل، 26 گولیاں، اور ایک اضافی میگزین تھا۔

اسپین کے شہری نے وزرات داخلہ کا اجازت نامہ دکھا کر کسٹمز اور اے ایس ایف سے کلیئرنس لے لی تھی، تاہم ایئر لائن نے مسافر کو اسلحہ سمیت سفر کرنے کی اجازت دینے سے انکار کر دیا، جس کے بعد اسلحہ اے ایس ایف نے اسپین ایمبیسی کے حوالے کر دیا۔

لاہور ایئرپورٹ پر مسافر سے پستول کی گولیاں برآمد

یاد رہے کہ 8 فروری کو علامہ اقبال انٹرنیشنل ایئرپورٹ لاہور پر مسافر سے پستول کی 21 گولیاں اور میگزین برآمد کیا گیا تھا، مسافر حسن محمود بٹ پی کے 263 سے ابوظبی جا رہا تھا، بعد ازاں مسافر نے غلطی سے اسلحہ بیگ میں لانے کا اعتراف کیا۔ تحریری معافی پر مسافر کو ابوظبی سفر کی اجازت دے دی گئی، مسافر کے پاس اسلحے کا لائسنس موجود تھا، تاہم اسلحہ ضبط کر لیا گیا۔

fb-share-icon0
Tweet 20

Comments

comments

یہ بھی پڑھیں