مخصوص نشستوں پر نو منتخب ارکان کی گورنر ہاؤس میں حلف برداری سے متعلق اسپیکر کے پی اسمبلی بابر سلیم نے چیف جسٹس پاکستان کو خط لکھ دیا۔
خط کے متن میں کہا گیا ہے کہ ارکان کے حلف سے متعلق سنگین آئینی خلاف ورزی پر توجہ دلانا چاہتا ہوں، پشاور ہائیکورٹ کے معزز چیف جسٹس کی طرف سےآئینی خلاف ورزی کی گئی۔
اسپیکر کا کہنا ہے کہ عدلیہ، مقننہ، ایگزیکٹو اپنے آئینی دائروں میں بلا مداخلت کے کام کریں، آرٹیکل 130اور 255 عدلیہ، مقننہ کے اختیارات کی حد بندی کرتے ہیں۔
ایم پی اے کے حلف کا انتظام اسمبلی کے اسپیکرکے خصوصی دائرہ کار میں ہے، کسی ہائی کورٹ چیف جسٹس کے پاس حلف کیلئے کسی کو نامزد یا تقرری کا اختیار نہیں۔
متن کے مطابق کسی ہائی کورٹ چیف جسٹس کے پاس حلف سے متعلق نہ عدالتی اور نہ انتظامی اختیار ہے، آرٹیکل 255(2)کوصرف غیرمعمولی حالات میں استعمال کیا جا سکتا ہے، جب اسپیکر واقعی غیرحاضر اور غیر دستیاب ہو تو آرٹیکل255(2)استعمال کیا جاسکتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں