The news is by your side.

Advertisement

ملک کو اندرونی و بیرونی خطرات سمیت بیشتر چیلنجز کا سامنا ہے، اسد قیصر

چکوال: اسپیکر قومی اسمبلی اسد قیصر نے کہا ہے کہ ملک کو اندرونی و بیرونی خطرات سمیت بیشتر چیلنجز کا سامنا ہے مگر اللہ کے فضل و کرم اور دیانت دار مخلص قیادت کی بدولت ہمارا مستقبل روشن اور محفوظ ہے۔

تفصیلات کے مطابق اسپیکر قومی اسمبلی اسد قیصر نے تقریب سے خطاب کرتے ہوئے کہا کہ پاکستان کو ایسا ملک بنانا ہے جس پر ہر پاکستانی فخر کرے، خارجہ پالیسی میں حکومت کو حاصل ہونے والی کامیابیاں عالمی برادری کا پاکستان پر اعتماد کا مظہر ہے۔

انہوں نے کہا کہ تاریخ میں پہلی بار غربت سے پسے طبقات کے بارے میں کسی حکومت نے سنجیدگی سے ناصرف سوچنا شروع کیا ہے بلکہ عملی اقدامات کا بھی آغاز کردیا ہے، اس سلسلے میں وزیراعظم نے غربت کے خاتمے کے لیے جامع پروگرام کا باقاعدہ اعلان کردیا ہے۔

مزید پڑھیں: حکومت کی اوّلین ترجیح ملک کو معاشی بحران سے نکالنا ہے، اسپیکر اسد قیصر

اسپیکر قومی اسمبلی نے کہا کہ ہم نے اب یہ عہد کرنا ہے کہ ہم نے معاشرے کے محروم طبقات کو بے آسرا نہیں چھوڑنا بلکہ ان کا سہارا بننا ہے تاکہ وہ ملک کی تعمیر و ترقی میں اپنا کردار ادا کرسکیں۔

ان کا کہنا تھا کہ ہم نے محروم طبقوں کے لیے ماڈل ولیجز کے لیے کام کی ابتدا کردی ہے جہاں تعلیم، خوراک، رہائش جیسے بنیادی حقوق سے محروم طبقوں کو ایک ہی چھت کے نیچے تمام سہولیات فراہم کی جائیں گی۔

اسد قیصر نے کہا کہ کاشتکاروں کے مسائل حل کرنے کے لیے اسپیشل کمیٹی تشکیل دی ہے جس میں ان کے مسائل حل کیے جائیں گے، کاشتکاروں کے حقوق کا تحفظ کرنا ہمارا فرض ہے۔

Comments

comments

یہ بھی پڑھیں