اسپیکر قومی اسمبلی سے ایرانی وزیرخارجہ کی ملاقات، تعاون اور تعلقات کو فروغ دینے کا عزم
The news is by your side.

Advertisement

اسپیکر قومی اسمبلی سے ایرانی وزیرخارجہ کی ملاقات، تعلقات کو فروغ دینے کا عزم

اسلام آباد: اسپیکر قومی اسمبلی اسد قیصر سے ایرانی وفد نے ملاقات کی ہے، جس میں دوطرفہ تعلقات اور خطے کی صورت حال پر تبادلہ خیال کیا گیا.

تفصیلات کے مطابق اس ملاقات میں ایرانی وفد کی قیادت ایرانی وزیر خارجہ جواد ظریف نے کی.

اس موقع پر اسپیکر قومی اسمبلی اسد قیصر نے کہا کہ پاکستان، ایران میں برادرانہ تعلقات ہیں، تجارت، سرمایہ کاری، توانائی کے شعبے میں تعاون کوفروغ دینا ہوگا.

اسد قیصر نے کہا کہ پاکستان، ایران میں قریبی دوستانہ تعلقات ترقی وخوش حالی کے لئے ناگزیرہیں، پاکستان امت مسلم کےاتحاد پر یقین رکھتا ہے.

انھوں نے کہا کہ امت مسلمہ کو درپیش مسائل کے حل کے لئے مل کر کام کرنا ہوگا.

مزید پڑھیں: ایرانی وزیر خارجہ جواد ظریف پاکستان پہنچ گئے

اس موقع پر ایرانی وزیرخارجہ کا کہنا تھا کہ ایران خطےمیں امن کے لئے پاکستان کا شراکت دار ہے، دہشت گردی، انتہاپسندی کے خلاف پاکستان کی خدمات گراں قدر ہیں.

جوادظریف نے کہا کہ کشمیر،فلسطین کی آزادی کے لئے پاکستان کے مؤقف کی تائید کرتے ہیں، ایرانی قیادت دوطرفہ تعلقات کومستحکم بنانا چاہتی ہے. ایرانی وزیرخارجہ نے مؤثر طرز حکمرانی کے لئے اداروں کی سطح پر تعاون کوفروغ دینے پر زور دیا.

اسپیکر نے کشمیر اور فلسطین سے متعلق پاکستانی مؤقف کی تائید پر ایرانی وزیرخارجہ کا شکریہ ادا کیا.

Comments

comments

یہ بھی پڑھیں