شہبازشریف کی وجہ سے پنجاب میں صحت اورتعلیم کا شعبہ تنزلی کا شکارہوا، پرویز الہیٰ -
The news is by your side.

Advertisement

شہبازشریف کی وجہ سے پنجاب میں صحت اورتعلیم کا شعبہ تنزلی کا شکارہوا، پرویز الہیٰ

لاہور: اسپیکرپنجاب اسمبلی پرویزالہیٰ کا کہنا ہے کہ پنجاب میں ترقیاتی منصوبوں میں بدعنوانی سے متعلق بھی تحقیقات ہوں گے۔

تفصیلات کے مطابق اسپیکرپنجاب اسمبلی نے لاہور میں میڈیا سے گفتگو کرتے ہوئے کہا کہ تحقیقاتی کمیٹی پنجاب اسمبلی میں توڑپھوڑکا جائزہ لے گی۔

پرویز الہیٰ نے کہا کہ گزشتہ حکومت کے منصوبوں کی تحقیقات کرا رہے ہیں، منصوبوں میں بدعنوانیوں کے انکشافات ہورہے ہیں۔

انہوں نے کہا کہ اسپیکراسمبلی کیلئےہونےوالےاجلاس میں بھی ہنگامہ آرائی کی گئی، وزیراعلیٰ کے انتخاب کے دوران بھی ن لیگ نے ہنگامہ آرائی کی۔

اسپیکرپنجاب اسمبلی پرویز الہیٰ نے کہا کہ ایوان کے تقدس کوبرقراررکھنا میرے فرائض میں شامل ہے۔

انہوں نے کہا کہ ایک بچہ ضدی ہے تواس بچے کوضد کرلینے دیں، اس بچے کے ساتھ جوکھڑے ہیں انہیں بچے کو سمجھانا چاہیے۔

پرویز الہیٰ نے کہا کہ شہبازشریف کی وجہ سے پنجاب میں صحت اورتعلیم کا شعبہ تنزلی کا شکار ہوا۔

پنجاب اسمبلی میں جعلی اسپیکر کا ڈٹ کر مقابلہ کریں گے‘ حمزہ شہباز

یاد رہے کہ گزشتہ روز پنجاب اسمبلی میں اپوزیشن لیڈر حمزہ شہباز کا کہنا تھا کہ پنجاب اسمبلی میں جعلی اسپیکر کا ڈٹ کر مقابلہ کریں گے۔

شہبازشریف کا کہنا تھا کہ تحریک عدم اعتماد کی ہمیں ابھی کوئی جلدی نہیں، ان کی حکومت چلنے دیں تاکہ ان کی اصلیت عوام کے سامنے آئے۔

Comments

comments

یہ بھی پڑھیں