The news is by your side.

Advertisement

‘اسپیکر قلم سنبھالے بیٹھے ہیں تاکہ استعفوں پر فوراً دستخط کریں’

تحریک انصاف کے سینیٹر فیصل جاوید نے کہا ہے کہ پی ڈی ایم کےاستعفوں پر فوراً دستخط کیےجائیں گے تاکہ اسمبلیوں سے گندصاف ہو۔

ٹوئٹر پر جاری بیان میں فیصل جاوید نے لکھا کہ استعفوں کیلئے31 جنوری کاکیوں انتظار کررہےہیں کل ہی استعفےدیں اسپیکر صاحب قلم سنبھالے بیٹھےہیں تاکہ استعفوں پر فوراً دستخط کریں۔

فیصل جاوید نے کہا کہ استعفوں پرفوراًدستخط کیےجائیں گےتاکہ اسمبلیوں سےگندصاف ہو، لانگ مارچ کوبھی سوبسم اللہ ضرورکریں، اسلام آباد آئیں جیسے پہلے آئے تھے سلفیاں لیں اور واپس چلےجائیں۔

ایک اور ٹوئٹ میں ان کا کہنا تھا کہ آپ کے مطلوبہ نمبر سے فی الحال رابطہ ممکن نہیں، مطلوبہ نمبر عوام کی خدمت میں مصروف ہے، برائے مہربانی تین سال بعد کوشش کریں، تین سال بعد جب الیکشن ہوگا آپ کو پھر انشاءاللہ شکست ہو گی اور ایک بار پھر آپ سڑکوں پر آئیں گے۔

Comments

یہ بھی پڑھیں