The news is by your side.

Advertisement

کراچی کے 2 اضلاع میں خصوصی انسداد پولیو مہم 20 جولائی سے شروع ہوگی

کراچی : شہر قائد کے ضلع وسطی اور غربی میں خصوصی انسدادپولیو مہم 20جولائی سے شروع ہوگی، مہم کی منظوری کل وزیراعلی ہاؤس میں ہونے والے اجلاس کے بعد دی جائے گی۔

تفصیلات کے مطابق کراچی کے 2 اضلاع میں 4روزہ خصوصی انسداد پولیو مہم 20 جولائی سے شروع ہوگی، ضلع وسطی اور غربی کی 22 سے زائد یونین کونسلوں میں ویکسی نیشن کی جائے گی۔

مہم میں انسدادپولیو ورکرز کو ماسک، دستانے اور حفاظتی لباس فراہم کیا جائےگا، مہم کی منظوری کل وزیراعلی ہاؤس میں ہونے والے اجلاس کے بعد دی جائے گی۔

کراچی میں مارچ کے بعد سے انسدادپولیومہم نہیں چلائی گئی ، گزشتہ ہفتہ لانڈھی میں پولیوکیس بھی رپورٹ ہوا تھا۔

یاد رہے 2 روز قبل وزیر اعلیٰ سندھ مراد علی شاہ کی زیر صدارت انسداد پولیو پر صوبائی ٹاسک فورس کے اجلاس میں کرونا وائرس کی وجہ سے تعطل کا شکار انسداد پولیو مہم پھر سے شروع کرنے کا فیصلہ کیا گیا تھا۔

بریفنگ میں بتایا گیا تھا کہ پاکستان میں رواں سال 58 پولیو کے کیسز رپورٹ ہوئے، سندھ میں 20، خیبر پختونخواہ میں 21، بلوچستان میں 14 اور پنجاب میں 3 کیسز ہیں۔

fb-share-icon0
Tweet 20

Comments

comments

یہ بھی پڑھیں