پشاور : وزیراعلی خیبرپختونخوا کےمعاون خصوصی کامران بنگش کورونا وائرس میں مبتلا ہوگئے، جس کے بعد کامران بنگش اپنے ہی گھر میں قرنطینہ میں ہیں جبکہ خاندان کےمزید 11 افراد کے نمونے ٹیسٹ کے لیے بھجوا دیے گئے ہیں۔
تفصیلات کے مطابق وزیراعلی خیبرپختونخوا کےمعاون خصوصی بلدیات کامران بنگش میں کورونا وائرس کی تصدیق ہوگئی ، فوکل پرسن وزیراعلیٰ کےپی فرقان کاکا خیل نے بتایا کہ گزشتہ روز طبیعت کی خرابی پرکامران بنگش اسپتال گئے، جہاں ڈاکٹروں نے ان کا کورونا ٹیسٹ کروایا جو مثبت آیا۔
فرقان کاکا خیل کا کہنا تھا کہ کل صبح 6 بجے خیبر میڈیکل یونیورسٹی میں ٹیسٹ کرایا گیا، کامران بنگش اپنے ہی گھر میں قرنطینہ میں ہیں اور خاندان کےمزید 11 افراد کے نمونے ٹیسٹ کے لیے بھجوا دیے گئے۔
انھوں نے مزید کہا کہ کامران بنگش کے ذاتی عملےکےنمونےٹیسٹ کےلیےبھجوادیےگئے ہیں ، مشیرضیابنگش بھی کامران بنگش کے ہمراہ تھے، ضیابنگش کےبھی ٹیسٹ کرائےجائیں گے۔
خیال رہے نئے اور مہلک وائرس کو وِڈ نائنٹین سے پاکستان بھر میں اموات کی تعداد 253 ہو گئی ہے جبکہ ملک کے مختلف حصوں میں کرونا وائرس کے تصدیق شدہ کیسز کی تعداد بھی بڑھ کر 11940 تک جا پہنچی ہے۔
واضح رہے خیال رہے کہ وفاقی حکومت نے ملک گیر لاک ڈاؤن میں 2 ہفتے کی توسیع کر دی ہے، 9 مئی تک موجودہ صورت حال چلے گی، صوبائی حکومتیں صوبوں میں صورت حال کے مطابق فیصلہ کریں گی۔
