پرویزمشرف کے خلاف آئین شکنی کیس کی سماعت 20 اگست کوہوگی -
The news is by your side.

Advertisement

پرویزمشرف کے خلاف آئین شکنی کیس کی سماعت 20 اگست کوہوگی

لاہور: سابق صدر پرویز مشرف کے خلاف آئین شکنی کیس کی سماعت رواں ماہ 20 اگست کو ہوگی۔

تفصیلات کے مطابق وفاقی دارالحکومت اسلام آباد میں خصوصی عدالت سابق صدر پرویز مشرف کے خلاف سنگین غداری کیس کی سماعت 20 اگست کرے گی۔

چیف جسٹس لاہور ہائی کورٹ محمد یاور علی کی سربراہی میں قائم بینچ میں بلوچستان ہائی کورٹ کی جسٹس طاہرہ صفدر اور سندھ ہائی کورٹ کے جسٹس نذر اکبر شامل ہیں۔

خصوصی عدالت کے رجسٹرار سیشن جج راؤ عبدالجبار نے متعلقہ فریقین کو سماعت سے متعلق آگاہ کردیا ہے۔

سیشن جج راؤ عبدالجبار خان خصوصی عدالت کے رجسٹرار مقرر

خیال رہے کہ دو روز قبل سیشن جج راؤ عبدالجبار خان کو سابق صدر جنرل ریٹائرڈ پرویز مشرف کے خلاف غداری کیس کے لیے قائم خصوصی عدالت کا رجسٹرار مقرر کیا گیا تھا۔

سیشن جج راؤ عبدالجبار خان خصوصی عدالت کی کارروائی کے دوران رجسٹرار کے فرائض سرانجام دیں گے۔

واضح رہے کہ رواں سال مارچ میں چیف جسٹس پشاور ہائی کورٹ جسٹس یحیٰی آفریدی کی معذرت کے بعد سنگین غداری کیس میں پرویز مشرف کے خلاف کیس کی سماعت کرنے والا بینچ ٹوٹ گیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں