راولپنڈی : آرمی چیف جنرل راحیل شریف سے برطانیہ کے خصوصی نمائندے نے ملاقات کی ہے۔
تفصیلات کے مطابق پاکستان کے چیف آف آرمی اسٹاف جنرل راحیل شریف اور برطانیہ کے خصوصی نمائندے کے درمیان اہم ملاقات ہوئی ہے ملاقات کے دوران علاقائی سلامتی اور باہمی دلچسپی کے امور پر تبادلہ خیال کیا گیا ہے۔
پاک فوج کے تعلقات عامہ کے ادارے (آئی ایس پی آر) سے جاری ہونے والے بیان میں کہا گیا ہے کہ برطانوی نمائندے نے جی ایچ کیو میں آرمی چیف سے ملاقات کی اور دہشت گردی کے خلاف جنگ میں پاک فوج کی کامیابیوں کی تعریف کی اورعلاقائی امن و استحکام میں پاک فوج کے کردار کو سراہا۔
برطانوی نمائندے نے خصوصی طور پر دہشت گردی کے خلاف جنگ میں پاک فوج کے جوانوں اور افسران کی قربانیوں کو سراہتے ہوئے پاکستانی قوم کے عزم اور بہادری کی تعریف کی۔
Comments
- Advertisement -
