The news is by your side.

Advertisement

مقبوضہ کشمیر پریورپی پارلیمنٹ کےموقف کا خیرمقدم کرتے ہیں، علی رضا سید

برسلز: چیئرمین کشمیر کونسل ای یو علی رضا سید کا کہنا ہے کہ اسٹراسبرگ اجلاس میں ارکان پارلیمنٹ کا ردعمل حوصلہ افزا ہے۔

تفصیلات کے مطابق مقبوضہ کشمیر سے متعلق یورپی پارلیمنٹ میں اجلاس ہوا جس پر ردعمل دیتے ہوئے چیئرمین کشمیر کونسل ای یو علی رضا سید کا کہنا تھا کہ مقبوضہ کشمیر پر یورپی پارلیمنٹ کے موقف کا خیرمقدم کرتے ہیں۔

انہوں نے کہا کہ یورپی پارلیمنٹ میں پالیسی بیان کے ساتھ مزید اقدامات ضروری ہیں، بھارت پر دباؤ ڈالا جائے تاکہ وہ فوری کشمیریوں کا محاصرہ ختم کرے۔

علی رضا سید کا مزید کہنا تھا کہ انسانی حقوق کی سنگین پامالیوں کو روکنے کیلئے اثرورسوخ استعمال کیا جائے، بھارتی جارحیت دنیا کے سامنے ہے۔

خیال رہے کہ یورپین یونین نے کہا ہے کہ مقبوضہ کشمیر میں صورتحال انتہائی خطرناک ہے، بھارت کشمیریوں کو ان کے بنیادی حق سے محروم نہ کرے، مسئلہ کشمیر عوامی خواہشات اور عالمی قوانین کے مطابق مذاکرات سے حل کیا جائے۔

بھارت کشمیریوں کو ان کے بنیادی حق سے محروم نہ کرے، یورپین یونین کا مطالبہ

گذشتہ روز یورپین یونین کے اجلاس میں 12سال بعد مسئلہ کشمیر پر بحث ہوئی، بھارتی کوششوں کے باوجود مسئلہ کشمیر پر یورپی پارلیمنٹ میں بحث جاری رہی۔

واضح رہے کہ فرینڈز آف کشمیر گروپ ای یو کی کاوشوں سے مسئلہ کشمیر آج زیر بحث آیا، یورپی پارلیمنٹ میں مسئلہ کشمیر زیر بحث آنا پاکستان کی بڑی سفارتی کامیابی ہے۔

Comments

comments

یہ بھی پڑھیں