The news is by your side.

اسپیشل پراسیکوٹر نے شہباز گل کے زیر استعمال سیٹلائٹ فون پر اہم سوالات اٹھا دئیے

اسلام آباد : اسپیشل پراسیکوٹر رضوان عباسی نے شہباز گل کے زیر استعمال سیٹلائٹ فون پر اہم سوالات اٹھا دئیے۔

تفصیلات کے مطابق شہباز گل کیس میں اسپیشل پراسیکوٹر رضوان عباسی نے اہم سوالات اٹھا دئیے۔

پراسیکوٹر راجہ رضوان عباسی نے کہا کہ تھورایا فون شہباز گل کے زیر استعمال تھا، انھوں نے تھورایا فون کیوں خریدا گیا۔

راجہ رضوان عباسی کا کہنا تھا کہ شہباز گل کے پاس تھورایا موبائل فون کہاں سے آیا ؟ اور کس کی اجازت سے شہباز گل استعمال کر رہے تھے۔

اسپیشل پراسیکوٹر نے مزید کہا کہ عام موبائل ہونے کے باوجود کن مقاصد کے لیے تھورایا فون استعمال کیا گیا، تھورا فون ابھی ہمارے پاس نہیں ہے وہ فرانزک کے لیے لیبارٹری بھیجوایا گیا ہے۔

وکیل رضوان عباسی کا کہنا تھا کہ اس سے غیر ملکی غیر قانونی رابطے بھی ہو سکتے ہیں۔

اس سے قبل سیشن عدالت نےشہبازگل کی سامان سپرداری کی جزوی درخواست منظور کرتے ہوئے شناختی کارڈ،عینک،اے ٹی ایم سمیت روزمرہ اشیا واپس دینے کا حکم دیا تھا۔

Comments

یہ بھی پڑھیں