The news is by your side.

Advertisement

وزیراعظم آج قومی اسمبلی اجلاس سے اہم خطاب کریں گے

اسلام آباد: وزیراعظم عمران خان آج قومی اسمبلی اجلاس سے اہم خطاب کریں گے، مولانا دھرنا سمیت کرتارپور راہداری پر ارکان اسمبلی کو اعتماد میں لیں گے۔

تفصیلات کے مطابق قومی اسمبلی کا ہنگامہ خیز اجلاس آج متوقع ہے، وزیراعظم عمران خان ایوان سے خطاب کرتے ہوئے کرتارپورراہداری سمیت ملکی امور پر ارکان اسمبلی کو اعتماد میں لیں گے۔

اجلاس سے قبل پارلیمانی پارٹی سرجوڑ کر بیٹھے گی، وفاقی دارالحکومت تمام اہم سیاسی سرگرمیوں کا مرکز بن گیا ہے، قومی اسمبلی کا اجلاس شروع ہونے پر ساری سیاسی قیادت اسلام آباد میں موجود ہوگی۔

خیال رہے کہ اسلام آباد میں جاری اپوزیشن دھرنے سے ملک میں سیاسی ہلچل ہے، دوسری جانب سکھ برادری کے لیے کرتارپور راہداری کی فقیدالمثال افتتاحی تقریب نو نومبر کو ہوگی، جس میں وزیراعظم عمران خان اور آرمی چیف جنرل قمر جاوید باجوہ شرکت کریں گے، افتتاح کے بعد یہ پاکستان کا سب سے بڑا گردوارہ بن جائے گا۔

یاد رہے کہ حکومت پاکستان کی جانب سے کرتارپور راہداری کے افتتاح کے موقع پر سکھ برادری کےخیرمقدم کیلئے خصوصی نغمہ جاری کیا گیا تھا جبکہ بابا گرو نانک کی 550ویں سالگرہ پر یادگاری ٹکٹ اور یادگاری سکہ کا اجرا کیا گیا تھا۔

کرتارپور راہداری کی افتتاحی تقریب 9 نومبر کو ہوگی

خطاب کے دوران وزیراعظم ان تمام امور پر تبادلہ خیال کریں گے، جبکہ ذرائع کا کہنا ہے کہ عمران خان کے خطاب کے دوران اپوزیشن بینچ کی جانب سے احتجاج ممکن ہے۔

دوسری جانب ڈی جی آئی ایس پی آر میجر جنرل آصف غفور نے کہا ہے کہ مارچ یا دھرنا سیاسی سرگرمی ہے فوج کا تعلق سیاست سے نہیں ہوتا، مارچ میں فوج سے متعلق بیانات پر ردعمل دے چکے ہیں۔

Comments

comments

یہ بھی پڑھیں