site
stats
حیرت انگیز

بارہ سالہ فلسطینی اسپائڈربوائے کا نام گنیز بک میں شامل

غزہ : عجیب و غریب حرکتیں اور کرتب دکھانے والا اسپائڈربوائے فلسطین کی سرزمین پر موجود ہے، غزہ کے اسپائیڈر مین نے گنیز بُک آف ورلڈ ریکارڈ میں اپنا نام شامل کروالیا۔

تفصیلات کے مطابق ایک ایسا ٹیلنٹ جس نے سب کو حیران کردیا۔ کبھی ٹانگیں بازؤوں کی طرف موڑلے تو کبھی سرکے بل چلے۔ کبھی درخت اور کھمبے پرچڑھ جائے۔ یہ سب دیکھ کر لوگ حیران ہیں کہ یہ مکڑی ہے یا انسان؟

فلسطین کا بارہ سالہ محمد الشیخ اپنے جسم کو تینتیس انداز میں موڑ سکتا ہے اور یہی کٹھن کرتب دکھا کرمحمد الشیخ گنیز بُک آف ورلڈ ریکارڈ میں اپنا نام شامل کروانے میں کامیاب ہوگیا۔

یہ اعزاز حاصل کرتے ہوئے اس نے سرٹیفکیٹ بھی اپنے منفرد انداز سے تھاما۔ اس سے پہلے یہ ریکارڈانتیس انداز میں جسم موڑنے والے کے نام تھا۔

اسپائیڈر بوائے کے ٹرینر کا کہنا ہے کہ ابھی تو یہ صرف شروعات ہے۔ اور بھی کمالات ہیں جو یہ بچہ عنقریب دکھائے گا، محمد الشیخ نے مستقبل میں مزید تین ریکارڈ بنانے کی ٹھان لی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top