فضل الرحمان کی نامزدگی پر ن لیگی ارکان میں اختلافات سامنے آ گئے -
The news is by your side.

Advertisement

فضل الرحمان کی نامزدگی پر ن لیگی ارکان میں اختلافات سامنے آ گئے

لاہور: مولانا فضل الرحمان کی نامزدگی پر ن لیگ میں اختلافات سامنے آ گئے، ن لیگ کے پارلیمانی پارٹی اجلاس کی اندرونی کہانی باہر آ گئی۔

تفصیلات کے مطابق پارلیمانی پارٹی اجلاس میں ارکان نے متفقہ طور پر رائے دی کہ مولانا فضل الرحمان کو امیدوار نامزد کر کے پارٹی سے زیادتی کی گئی۔

اجلاس میں ن لیگی ارکان کا کہنا تھا کہ مولانا کی صدارتی امیدوار کے طور پر نامزدگی پر ہم اپنے حلقوں میں عوام کو کیا جواب دیں گے۔

ارکان کی رائے تھی کہ فضل الرحمان کی حمایت سے مسلم لیگ (ن) کے لیے نقصان کا سبب بنے گی، پارٹی کی ساکھ متاثر ہونے کا خدشہ ہے۔

ارکان نے پارلیمانی اجلاس میں شدید احتجاج کرتے ہوئے کہا ’دنیا ن لیگ کے لیے کیا رائے قائم کرے گی، ہمیں اس کا اندازہ نہیں، لیکن ہم مولانا فضل الرحمان کو احتجاجاً ووٹ دیں گے، پارٹی کو اس فیصلے کے نتائج بعد ملیں گے۔‘


آصف زرداری اورمولانا فضل الرحمان کی ایک اور ملاقات بے نتیجہ ختم


واضح رہے کہ پاکستان مسلم ن نے پیپلز پارٹی کے صدارتی امیدوار اعتزاز احسن کے مقابلے میں مولانا فضل الرحمان کو صدارتی امیدوار کے طور پر نامزد کیا تھا۔

اپوزیشن کے صدر کو جیتنے کے لیے ضروری ہے کہ اپوزیشن ایک امیدوار پر متفق ہوجائے، جس کے لیے مولانا نے پی پی کو منانے کی بہت کوششیں کیں، اس سلسلے میں آج بھی آصف علی زرداری اور مولانا فضل الرحمان کی ایک ملاقات ہوئی لیکن وہ بھی بے نتیجہ ختم ہوگئی۔

Comments

comments

یہ بھی پڑھیں