The news is by your side.

Advertisement

حمزہ شہباز آہ و بکا کرنے کے بجائے لوٹی ہوئی دولت کا حساب دیں، شہباز گل

لاہور: ترجمان وزیراعلیٰ پنجاب شہباز گل نے کہا ہے کہ نئے بلدیاتی نظام نے پنجاب میں مسلم لیگ ن کی بادشاہت کا خاتمہ کردیا، حمزہ شہباز آہ و بکا کرنے کے بجائے لوٹی ہوئی دولت کا حساب دیں۔

تفصیلات کے مطابق ترجمان پنجاب حکومت شہباز گل نے حمزہ شہباز کے بیان پر ردعمل دیتے ہوئے کہا ہے کہ پہلی دفعہ اختیارات حقیقی معنوں میں نچلی سطح تک منتقل ہوں گے، مسلم لیگ ن نے اپنے دور حکومت میں بلدیاتی اداروں کو مفلوج کیا۔

شہباز گل نے کہا کہ نئے بلدیاتی نظام کے تحت بڑے شہروں میں تحصیل کونسل بنیں گی، تحصیل کونسل اکنامک ایکٹی ویٹی، اسکول کے معاملات، صحت کے حوالے سے تبادلے و سزائیں، حاضری چیک کرنا، روڈ سیفٹی کے حوالے سے بھی تحصیل کونسل دیکھی گی۔

انہوں نے کہا کہ شادی کے سرٹیفکیٹ، لائبریز، اسپورٹس اور دیگر معاملات کو بھی تحصیل کونسل دیکھے گی، فنڈز بھی تحصیل کونسل کو دئیے جائیں گے تاکہ بیچ میں کہیں خردبرد نہ ہو۔

مزید پڑھیں: بھارت پاکستان کو بلیک لسٹ کرانا چاہتا ہے، مگر حکومت کو  کوئی پروا نہیں: حمزہ شہباز

واضح رہے کہ حمزہ شہباز کا کہنا تھا کہ حکومت کی جلد بازی ختم ہونے کا نام نہیں لے رہی ہے ایوان میں عام آدمی کے مینڈیٹ کا قتل کیا گیا۔

ان کا کہنا تھا کہ سبزی پھلوں، دالوں، دودھ کی قیمتیں آسمانوں سے باتیں کررہی ہیں، دواؤں کی قیمتوں میں 400 فیصد اضافہ کر دیا گیا، آج قوم کی مہنگائی نے کمر توڑ دی، قوم سے کہتا ہوں کہ یہ دن رات جھوٹ بولتے ہیں، تجاوزات کے نام پر چھتیں چھین لیں، دکانیں گرا دیں۔

Comments

comments

یہ بھی پڑھیں