The news is by your side.

Advertisement

اسپاٹ‌ فکسنگ کیس: ایف آئی اے اور پی سی بی میں‌ اختلافات ختم

اسلام آباد: پی ایس ایل اسپاٹ فکسنگ کیس میں کھلاڑیوں سے تحقیقات کے معاملے پر ایف آئی اے اور پی سی بی کے درمیان اختلافات ختم ہوگئے، دونوں نے مشترکہ تحقیقات کا فیصلہ کرلیا۔

تفصیلات کے مطابق وزیر داخلہ چوہدری نثار علی خان کی ہدایت پر پاکستان کرکٹ بورڈ اور ایف آئی اے (وفاقی تحقیقاتی ادارہ) افسران کے درمیان اجلاس منعقد ہوا جس میں اسپاٹ فکسنگ کی تحقیقات میں دو طرفہ معاونت پر اتفاق کیا گیا۔

فیصلہ کیا گیا کہ محکمانہ انکوائری کی تکمیل تک دونوں ادارے ایک دوسرے کو معاونت فراہم کریں گے، پی سی بی تحقیقات مکمل ہونے پر ڈیٹا ایف آئی اے کو فراہم کرے گا، ایف آئی اے پی سی بی انکوائری کو فرانزک اور دیگر معاونت فراہم کرے گی۔

اس بات پر بھی اتفاق کیا گیا کہ دونوں ادارے قانون نافذ کرنےو الے اداروں سے مل کر واضح طریقہ کار مرتب کریں گے پی سی بی اور ایف آئی اے وزارت داخلہ کو باضابطہ طور پر درخواست دے گی۔

جوا لگانے والی ویب سائٹس کو بند کرانے کا فیصلہ

مزید فیصلہ کیا گیا کہ پی ٹی اے کی مدد سے کرکٹ پر جوا لگانے والی ویب سائٹس کو بند کیا جائے گا، اسپاٹ فکسنگ پر ایف آئی اے اپنی تحقیقات جاری رکھے گی جب کہ مقدمے کا اندراج پی سی بی کی انکوائری مکمل ہونے پر ہوگا۔

Print Friendly, PDF & Email

Comments

comments

یہ بھی پڑھیں