site
stats
کھیل

پاکستان نے بھارت کو اسکواش ایونٹس کی میزبانی نہ دینے کا مطالبہ کردیا

اسلام آباد: پاکستان نے عالمی اسکواش فیڈریشن سے مطالبہ کیا ہے کہ آئندہ کسی بھی ایونٹ کی میزبانی بھارت کو نہ دی جائے‘ پاکستان کی جانب سے یہ مطالبہ ویزے جاری نہ کرنے کے بعد کیاگیا۔

تفصیلات کے مطابق پاکستان سکوائش فیڈریشن نےکے نائب صدر قمر زمان نے بھارت کی جانب سے ایشین سکوائش چیمپین شپ میں پاکستانی کھلاڑیوں کو ویزے نہ دینے پر ناراضگی کا اظہار کرتے ہوئے ورلڈ اسکواش فیڈریشن ، پی ایس اے اور ایشین اسکواش فیڈریشن کو اپیل کی ہے کہ آئندہ بھارت کو کسی بھی ایونٹ کی میزبانی نہ دی جائے۔

سرکاری خبر رساں ایجنسی اے پی پی سے بات چیت کے دوران انہوں نے کہا کہ ایشین اسکواش چیمپن شپ کا انعقاد پاکستان کے بغیر نامکمل ہے کیونکہ پاکستان سینئر اور جونئیر ایشین اسکواش چیمپن شپ کے کئی مرتبہ فاتح رہے ہیں۔

پاکستان نے ورلڈ جونیئر ٹیم اسکواش چیمپیئن شپ جیت لی


یاد رہے کہ گزشتہ سال تائیوان میں کھیلے جانے والے ایشین اسکواش چیمپئن شپ کا ٹائٹل پاکستان نے جیتا تھا‘ فائنل میں پاکستان نے ہانگ کانگ کو 0-2 سے شکست دی تھی۔

بھارت کی جانب سے عالمی شہرت کے حام کھلاڑیوں کو ویزے نہ جاری کرنے سے بھارت کی نیت واضح ہورہی ہے کہ وہ کرکٹ کے بعد اسکواش میں بھی اپنی روایتیِ ہٹ دھرمی کا مظاہرہ کررہا ہے۔

خیال رہے کہ گزشتہ سال اگست میں پولینڈ میں منعقد ہونے والی ورلڈ جونیئر ٹیم اسکواش چیمپئن شپ بھی پاکستان کے نام رہی تھی، فائنل میں پاکستان کی جانب سے اسرار احمد اور عباس شوکت نے کامیابیاں حاصل کیں تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top