The news is by your side.

Advertisement

ایکشن غیر قانونی قرار، سری لنکن باؤلر پر ایک سال کی پابندی عائد

کولمبو: انٹرنیشنل کرکٹ کونسل نے سری لنکن گیند باز اکیلا دھننجیا پر ایک سال کی پابندی عائد کردی۔

آئی سی سی کی جانب سے جاری اعلامیے میں بتایا گیا کہ غیرقانونی باؤلنگ ایکشن کے باعث دھننجیا پر ایک سال کی پابندی عائد کی گئی، اُن کا اسٹائل گزشتہ ماہ رپورٹ ہوا تھا۔

رپورٹ کے مطابق دس ماہ میں دوسری بار دھننجیا کا ایکشن رپورٹ ہوا، جس کے بعد انہیں ٹیسٹ کرانے کی ہدایت کی گئی اور اُس کے نتیجے میں ایکشن غیر قانونی قرار پایا۔

ای ایس پی این کے مطابق دھننجیا کا باؤلنگ ایکشن گزشتہ سال دسمبر میں بھی رپورٹ ہوا تھا جس کے بعد انہیں معطل کردیا گیا تھا تاہم ایکشن میں بہتری اور ٹیسٹ کلیئر کرنے کے بعد انہیں پھر سے اجازت دے دی گئی تھی۔

انٹرنیشنل کرکٹ کونسل کے قوانین کے تحت ایک دو سال کے دوران ایک ہی باؤلر کا ایکشن رپورٹ ہو تو اُس پر ایک سال باؤلنگ کی پابندی عائد کردی جاتی ہے۔

واضح رہے کہ دھننجیا نے گزشتہ سال بنگلا دیش کے خلاف ٹیسٹ سے ڈیبیو کیا اور وہ اب تک 6 ٹیسٹ میچز میں 33 وکٹیں لے چکے جبکہ ون ڈے میں انہوں نے 52 اور ٹی ٹوئنٹی میں 22 وکٹیں حاصل کی ہیں۔

Comments

comments

یہ بھی پڑھیں