سری لنکن ٹیم کے کپتان دسن شناکا انجری کے باعث ورلڈ کپ سے باہر ہوگئے۔
ورلڈ کپ میں سری لنکن ٹیم کے کپتان دسن شناکا انجری کے باعث ورلڈ کپ کے بقیہ میچز سے باہر ہوگئے ہیں ان کی جگہ چمیکا کرونارتنے کو ٹیم میں شامل کرلیا گیا ہے۔
32 سالہ کپتان دسن شناکا کے ران کے پٹھوں کی انجری پاکستان کے خلاف میچ کے دوران ہوئی تھی، انہیں صحت یاب ہونے میں تین ہفتے لگیں گے۔
آئی سی سی کا کہنا ہے کہ ایونٹ ٹیکنیکل کمیٹی نے سری لنکا کی ٹیم کو دسن شناکا کے متبادل کے طور پر چمیکا کروتنے کو ٹیم میں شامل کرنے کی منظوری دے دی ہے۔
واضح رہے کہ سری لنکن ٹیم کو ورلڈ کپ کے دو میچز میں شکست ہوئی ہے جبکہ آئی لینڈرز اگلے میچ میں کینگروز کے مدمقابل آئیں گے۔
