سری لنکا نے چوتھے ون ڈے میں آسٹریلیا کو شکست دےکر سیریز جیت لی۔
کولمبو میں کھیلے گئے سیریز کے چوتھے میچ میں سری لنکا نے پہلے بیٹنگ کرتے ہوئے 259 رنز کا ہدف دیا جس کے تعاقب میں آسٹریلوی ٹیم 254 رنز بنا سکی۔
اوپنر ڈیوڈ وارنر بدقسمتی سے 99 رنز بنا کر آؤٹ ہوئے وہ ٹیم کی ڈوبتی کشتی کو بچانے میں ناکام رہے۔
سری لنکا نے 5 میچوں کی سیریز میں1-3 کی فیصلہ کن برتری حاصل کر لی ہے۔
اس جیت نے سری لنکا کی 1992 کے بعد آسٹریلیا کے خلاف پہلی گھریلو ون ڈے دو طرفہ سیریز جیتنے کا بھی نشان لگایا۔
1992 کے بعد یہ پہلا موقع ہے کہ سری لنکا نے آسٹریلیا کے خلاف ایک روزہ ہوم سیریز میں کامیابی حاصل کی جب کہ 2010 کے بعد آسٹریلیا کے خلاف یہ پہلی ون ڈے سیریز کی فتح ہے۔ 2010 میں سری لنکا نے آسٹریلیا میں کینگروز کا شکار کیا تھا۔
Comments
- Advertisement -