تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سری لنکا: کولمبو اسٹاک مارکیٹ 5 روز کے لیے بند، ایندھن میں کٹوتی کا اعلان

کولمبو: سری لنکا میں شدید معاشی بحران کے بعد کولمبو اسٹاک مارکیٹ 5 روز کے لیے بند کرنے کی ہدایت کردی گئی، ملک میں پٹرول پمپس پر ایندھن میں کٹوتی کا اعلان بھی کردیا گیا ہے۔

بین الاقوامی میڈیا کے مطابق سری لنکن سیکیورٹی ایکس چینج کمیشن نے کولمبو اسٹاک مارکیٹ 5 روز کے لیے بند کرنے کی ہدایت کی ہے، اسٹاک مارکیٹ 18 اپریل سے 5 روز کے لیے بند رہے گی۔

دوسری جانب سرکاری ملکیت سیلون پٹرولیم کارپوریشن (سی پی سی) نے کل دوپہر ایک بجے سے پٹرول پمپس پر ایندھن میں کٹوتی کا اعلان کر دیا ہے۔

سی پی سی نے کہا کہ ہر موٹر سائیکل کے لیے 1 ہزار سری لنکن روپے (3.2 ڈالر) کا ایندھن جاری کیا جائے گا، تین پہیوں والی گاڑی کے لیے 1500 روپے اور کاروں، وین اور جیپوں کے لیے 5 ہزار روپے کا ایندھن جاری کیا جائے گا۔

سی پی سی کے چیئرمین کا کہنا ہے کہ یہ حد بسوں، لاریوں اور کمرشل گاڑیوں پر نافذ نہیں ہوگی۔

اس ہفتے کے شروع میں سی پی سی نے اعلان کیا تھا کہ سری لنکا کی ماہانہ ایندھن کی درآمدات اپریل میں 700 ملین ڈالر تک پہنچ گئی جو دو ماہ قبل 450 ملین ڈالر تھی، جس کی وجہ سے تیل کی عالمی قیمتوں اور ملکی مانگ میں اضافہ ہے۔

سنہ 2021 میں سری لنکا کی اوسط ماہانہ ایندھن کی درآمد 311 ملین امریکی ڈالر تھی، سری لنکا غیر ملکی زرمبادلہ کے بحران سے گزر رہا ہے اور منگل کو تمام قرضوں کی ادائیگیوں پر بھی عبوری پابندی لگانے کا فیصلہ کیا گیا تھا۔

Comments

- Advertisement -