کولمبو : سری لنکن نے وزیر خفیہ معلومات کی بناء پر ہوٹلوں اور گرجا گھروں میں ایک مرتبہ پھر دہشت گردانہ حملوں کا اندیشہ ظاہر کیا ہے۔
تفصیلات کے مطابق عیسائیوں کے مذہبی تہوار ایسٹر سنڈے کے موقع پر متعدد دھماکوں سے لرزنے والے سری لنکا کے وزیرصحت نے کہا ہے کہ انہیں اور سات دیگر عہدیداروں کو انٹیلی جنس ذرائع سے معلومات ملی ہیں کہ ایسٹر پر ملک میں ہوٹلوں اور گرجا گھروں میں حملے کرنے میں ملوث گروپ ایک بار پھر حملوں کی منصوبہ بندی کررہا ہے۔
وزیرصحت راجیتا سیناراٹنا نے بتایا کہ حکومتی وزیراء کو ملک میں ہونے والے خود کش حملوں میں وہ ممکنہ طور پر نشانہ بن سکتے ہیں۔
خیال رہے کہ ایسٹر کے موقع پر سری لنکا میں گرجا گھروں اور ہوٹلوں میں ہونے والے خودکش دھماکوں کے نتیجے میں 300 سے زائد افراد کی ہلاکت کے بعد برقع پر پابندی عائد کیے جانے کا امکان ہے۔
مزید پڑھیں : سری لنکا میں برقع پر پابندی لگنے کا امکان
واضح رہے کہ سری لنکا کے گرجا گھروں اور ہوٹلوں میں ہونے والے 8 خودکش دھماکوں کی ذمہ داری شدت پسند تنظیم داعش نے قبول کی تھی۔
سری لنکن صدر متھری پالا سری سینا نے ایسٹر کی تقریبات کے دوران ہونے والے خود کش حملوں کے ایک ہفتے کے بعد ہنگامی قانون کے تحت ملک میں نقاب پہننے اور چہرہ چھپانے پر پابندی عائد کر دی تھی۔
