سہ ملکی ٹی 20 سیریز کے 5ویں میچ میں سری لنکا نے زمبابوے کو 9 وکٹوں سے شکست دے دی۔
راولپنڈی میں کھیلے گئے میچ میں سری لنکا نے زمبابوے کی جانب سے دیا جانے والا 147 رنز کا ہدف باآسانی ایک وکٹ کے نقصان پر 16.2 اوورز میں حاصل کرلیا۔
پتھم نسانکا 58 گیندوں پر 98 رنز کے ساتھ ناٹ آؤٹ رہے،ان کی اننگ میں 11 چوکے اور 4 چھکے شامل تھے، کوسل مینڈس نے 25 رنز بنائے، کمل مشرا 12 رنز بنا کر آؤٹ ہوئے۔
زمبابوے کی جانب سے واحد وکٹ بریڈ ایونس نے حاصل کی۔
اس سے قبل زمبابوے نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 146 رنز بنائے اور سری لنکا کو جیت کے لیے 147 رنز کا ہدف دیا تھا۔
کپتان سکندر رضا اور ریان برل 37، 37 رنز بنا کر نمایاں رہے تھے، برائن بینیٹ نے 34 رنز کی اننگز کھیلی۔
سری لنکا کی جانب سے وینندو ہسارنگا اور مہیش تھکشانا نے 2، 2 وکٹیں حاصل کی تھیں، دسن شناکا نے ایک کھلاڑی کو آؤٹ کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں