بھارتی سپر اسٹارز شاہ رخ خان اور سلمان خان کی پرانی تصویر انٹرنیٹ پر وائرل ہوگئی، دونوں حال ہی میں ایک ساتھ فلم پٹھان میں جلو گر ہوئے ہیں۔
بھارتی فلموں میں کام کرنے والے کوریو گرافر شیامک داور نے سماجی رابطے کی ویب سائٹ انسٹاگرام پر ایک تصویر شیئر کی۔
تصویر میں وہ بالی ووڈ سپر اسٹارز شاہ رخ خان اور سلمان خان کے ساتھ بیٹھے ہیں، تصویر بظاہر پرانی ہے اور کسی ایونٹ کی ریہرسل کی ہے۔
کوریو گرافر نے اپنی پوسٹ میں لکھا کہ انہوں نے اپنے کام کا آغاز شاہ رخ خان کے ساتھ دل تو پاگل ہے میں کیا تھا۔ اب دونوں ستاروں کے ساتھ پٹھان میں کام کرنے کا تجربہ نہایت شاندار رہا۔
View this post on Instagram
مداح ان کی اس تصویر پر نہایت خوش ہوئے ہیں اور مختلف کمنٹس میں اپنے جذبات کا اظہار کر رہے ہیں۔
خیال رہے کہ شاہ رخ خان کی حال ہی میں ریلیز ہونے والی فلم پٹھان نے کامیابی اور کمائی کے تمام ریکارڈز توڑ دیے ہیں، فلم میں شاہ رخ خان، دپیکا پڈوکون اور جان ابراہام کے مرکزی کرداروں کے ساتھ سلمان خان کی بھی جھلک موجود ہے۔