The news is by your side.

Advertisement

کنگ خان کی ایم ایس دھونی کی بیٹی اور بیوی سے یادگار ملاقات، تصاویر انٹرنیٹ پر وائرل

چنائی: کرکٹ کے سپر اسٹار ایم ایس دھونی کی بیوی بھی کنگ خان کی فین نکلیں، آئی پی ایل کے میچ میں شاہ رخ خان کے سامنے آنے پر ان کے گلے لگ کر جذباتی ہوگئیں۔

،تفصیلات کے مطابق آئی پی ایل میں کولکتہ نائٹ رائیڈرز اور چنائی سپر کنگز کے میچ کے دوران ایک ایسا منظر دیکھنے میں آنا جس نے انٹرنیٹ کی دنیا میں دھوم مچادی۔

یہ واقعہ اس وقت پیش آیا، جب بالی ووڈ کے بادشاہ انڈین کرکٹ ٹیم کے سابق کپتان مہندرا سنگھ دھونی کی بیوی ساکشی دھونی سے ملنے گئے، ساکشی اپنے سامنے انڈین فلم  انڈسٹری پر حکمرانی کرنے والے سپر اسٹار کو دیکھ کر جذبات پر قابو نہ رکھ سکیں اور کسی فین کی طرح  اپنی خوشی کا اظہار کیا۔

واضح رہے کہ ساکشی کے شوہر دھونی خود کرکٹ کے سپر اسٹار ہیں لیکن بالی ووڈ کنگ کے سامنے آنے پر کوئی بھی اپنے جذبات پر قابو کھو سکتا ہے، ساکشی کے لیے یہ پہلی ملاقات ایک یادگار واقعہ ثابت ہوئی۔

شاہ رخ خان ’زیرو‘ کے ہیرو، ٹریلر جاری

کولکتہ نائٹ رائیڈرز دھونی کی ٹیم سے میچ ہار گئی، لیکن کنگ خان اور دھونی کی فیملی کی تصاویر نے لوگوں کے دل جیت لے۔ اس ملاقات کی ویڈیو اور تصاویر انٹرنیٹ کی دنیا پر آناً فاناً وائرل ہوگئیں۔

بالی ووڈ کنگ نے نہ صرف دھونی کی بیوی کے ساتھ ملاقات کی بلکہ دھونی کی بیٹی زیوا سے بھی انتہائی خوش گوار موڈ میں ملے اور ان کے ساتھ تصویریں بنائیں۔ زیوا دھونی سے مل کر ایسا معلوم ہوا کہ شاہ رخ خود زیوا کے بہت بڑے فین ہوں۔ زیوا کے ساتھ ان کی تصاویر بھی وائرل ہونے میں دیر نہیں لگی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں