The news is by your side.

سماجی خدمات کا اعتراف: شاہ رخ خان ’کرسٹل ایوارڈ‘ کے حق دار

ممبئی: بالی ووڈ اداکار شاہ رخ خان کو خواتین اور بچوں کے حقوق کے لیے آواز اٹھانے اور فلاحی سرگرمیوں میں بڑ چڑھ کر حصہ لینے پر کرسٹل ایوارڈ سے نوازا گیا۔

تفصیلات کے مطابق گزشتہ روز سوئٹزر لینڈ کے شہر ڈیوس میں عالمی اقتصادی فورم (ورلڈ اکنامک فورم) کا اجلاس ہوا جس میں خواتین اور بچوں کے حقوق کے لیے کام کرنے والی مختلف شخصیات کو کرسٹل ایوارڈز سے نوازا گیا۔

عالمی اقتصادی فورم میں بالی ووڈ اداکار شاہ رخ خان کو بھارت میں بچوں اور خواتین کے حقوق کے لیے کام کرنے جبکہ ہالی ووڈ اداکارہ کیٹ بلانچٹ کو پناہ گزینوں کے حق میں مہم چلانے اور موسیقار جان ایلٹن کو ایڈز کے خلاف کام کرنے کے اعتراف میں ایوارڈ سے نوازا گیا۔

مزید پڑھیں: کنگ خان سے ملاقات کی خواہش، سوشل میڈیا صارفین کینسر مریضہ کی آواز بن گئے

واضح رہے کہ شاہ رخ خان ’میر فاؤنڈیشن‘ کے نام سے فلاحی ادارہ چلا رہے ہیں جو تیزاب گردی کا نشانہ بننے والی خواتین کو علاج معالجے کی سہولتیں اور قانونی معاونت بالکل مفت فراہم کرتی ہے۔

اس موقع پر کنگ خان کا کہنا تھا کہ ’ہمیں اب تمام تر رکاوٹوں کو توڑتے ہوئے آگے بڑھنا ہوگا، اب رنگ نسل زبان سے بالاتر ہوکر انسانیت کے لیے جینا ہے میں نے متاثرہ خواتین سے یہی سبق سیکھا ہے‘۔

یہ بھی پڑھیں: ہندو انتہاء پسندوں کی بوکھلاہٹ، کنگ خان کو غدار قرار دے دیا

خیال رہے کرسٹل ایوارڈ ہر سال ان فنکاروں کو دیا جاتا ہے جو زندگی کے مختلف شعبوں میں بہتری لانے کے لیے نمایاں خدمات سرانجام دیتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں