سوئی سدرن گیس نے کراچی کے صنعتی، کمرشل اور گھریلو صارفین کیلئے گیس پریشر بہتر بنانے کیلئے اہم اقدام اٹھایا ہے۔
سوئی سدرن گیس کی جانب سے 20 انچ قطر, 12.5 کلومیٹر طویل ٹرانسمیشن پائپ لائن کو اتوار کے روز سسٹم سے جوڑا جائے گا۔
پائپ لائن کو گیس سسٹم میں جوڑنے کیلئے 04 اگست اتوار صبح 08: بجے سے رات 08 بجے تک 12 گھنٹوں کے لیے کچھ علاقوں میں گیس بند رکھی جائے گی۔
- Advertisement -
12 گھنٹے کی عارضی بندش سے کورنگی سیکٹر 21, 28, 29,-G-36 ,B-36 اور 37-A ہاشم گوٹھ، مانسہرا کالونی، اللّٰہ باد گوٹھ اور ان کے اطراف کے علاقوں میں صنعتی اور گھریلو میں گیس کی فراہمی بند ہوگی۔
کمپنی کا کہنا ہے کہ سوئی سدرن کی ٹیکنیکل ٹیم کی کوشش رہے گی کہ جلد از جلد گیس کی فراہمی کو بحال کیا جا سکے۔
