The news is by your side.

دوران ڈکیتی پستول کا بٹ لگنے سےعلی محمد مہر زخمی ہوئے، ایس ایس پی ساؤتھ

کراچی: ایس ایس پی ساؤتھ پیر محمد شاہ کا کہنا ہے کہ علی محمد مہر کے گھر میں ڈکیتی کی واردات کرنے والے 8 ملزمان ہیں۔

تفصیلات کے مطابق ایس ایس پی ساؤتھ نے علی محمد مہر کے گھر کے باہر میڈیا سے بات چیت کرتے ہوئے کہا کہ دوران ڈکیتی پستول کا بٹ لگنے سے سابق وزیراعلیٰ علی محمد مہر زخمی ہوئے۔

پیر محمد شاہ نے بتایا کہ ڈکیتی کی واردات میں 8 ملزمان ملوث ہیں، ملزمان نے ملازمین کو یرغمال بنایا اور واردات کی۔

ایس ایس پی ساؤتھ نے کہا کہ ملزمان کیا کچھ لے کرگئے ہیں واضح نہیں ہے، گھر بہت بڑا ہے، ملزمان ایک حصے میں ہی گئے تھے، معلوم ایسا ہی ہورہا ہے کہ ملزمان رکشے میں آئے۔

کراچی: ڈکیتی مزاحمت پر سابق وزیراعلیٰ سندھ علی محمد مہر پر حملہ

واضح رہے کہ کراچی کے علاقے گذری میں واقع سابق وزیراعلیٰ سندھ علی محمد مہر گھر میں ڈکیتی کے دوران زخمی ہوئے۔

آئی جی سندھ پولیس ڈاکٹرکلیم امام نے واقعے کا نوٹس لیتے ہوئے ڈی آئی جی ساؤتھ سے رپورٹ طلب کرلی۔

Comments

یہ بھی پڑھیں