The news is by your side.

Advertisement

لڑکی کی عزت اچھالنے والا اوباش لڑکا گرفتار

نئی دہلی: بھارت میں محبت ٹھکرانے پر لڑکی سے انتقام لینے والا عیاش لڑکا گرفتار ہوگیا۔

غیرملکی خبررساں ادارے کی رپورٹ کے مطابق پولیس نے کارروائی کرتے ہوئے بھارتی شہر حیدرآباد سے اوباش ملزم کو گرفتار کرلیا، ملزم متاثرہ لڑکی کو فحش پیغامات واٹس ایپ پر بھیج کر عزت خراب کرنے کی دھمکیاں دیتا تھا۔

پولیس کا کہنا ہے کہ 25 سالہ ملزم کے خلاف خاتون کو ہراساں کرنے اورسائبر کرائم ایکٹ کے تحت مقدمہ درج کرلیا گیا ہے، مخصوص موبائل ایپ کے ذریعے اپنا نمبر تبدیل کرکے واٹس ایپ پر ملزم متاثرہ لڑکی کو محبت قبول کرنے پر مجبور کرتا تھا، نہ ماننے پر وہ اپنی گھٹیا حرکتوں پر اتر آیا۔

متعلقہ ادارے کے مطابق ہراساں کرنے والے لڑکے نے متاثرہ لڑکی سے محبت کا اظہار کیا اور شادی کرنے کی خواہش ظاہر کی تاہم لڑکی نے اپنا حق استعمال کرتے ہوئے اظہار محبت مسترد کردیا جس پر لڑکے نے انتقاماً عزت خراب کرنے کی ٹھانی جس میں وہ ناکام رہا۔

پولیس کا کہنا ہے کہ متاثرہ لڑکی کی بڑی بہن سے بھی ملزم کے 2015 میں دوستی رہی ہے۔ پولیس نے شہریوں کو خبردار کیا ہے کہ سوشل میڈیا کے غلط استعمال سے باز رہیں بصورت دیگر سنگین نتائج بھگتنا ہوں گے۔

Comments

یہ بھی پڑھیں