کراچی: اسٹیٹ بینک آف پاکستان نے اگلے ڈیڑھ ماہ کیلیے نئی مانیٹری پالیسی کا اعلان کرتے ہوئے اسے 22 فیصد پر برقرار رکھنے کا فیصلہ کیا ہے۔
اسٹیٹ بینک کے مطابق پالیسی ریٹ تبدیل نہ کرنے اور 22 فیصد پر برقرار رکھنے کا فیصلہ کیا، فیصلے میں مہنگائی کے تازہ ترین اعداد و شمار کو پیش نظر رکھا گیا ہے، مہنگائی کی شرح اگست 2023 میں 27.4 فیصد پر ہے۔
مرکزی بینک نے کہا کہ عالمی سطح پر تیل کی قیمتیں 90 ڈالر فی بیرل کی سطح پر پہنچ چکی ہیں، توانائی کی سرکاری قیمتوں میں ردوبدل کے ذریعے صارفین کو منتقل کی جا رہی ہیں، تخمینے کے مطابق مہنگائی نیچے آ رہی ہے۔
اسٹیٹ بینک نے کہا کہ حالیہ انتظامی اقدامات کی وجہ سے رسد کی رکاوٹوں میں کمی آ رہی ہے، زراعی شعبوں میں بہتری ہوئی اور کپاس کی آمد میں اضافہ ہوا۔
مرکزی بینک نے کہا کہ انتظامیہ کی حرکت کے بعد ڈالر ایکسچینج مارکیٹ میں بہتری نظر آئی، ضرورت پڑی تو قیمتوں میں استحکام کیلیے مناسب کارروائی کی جائے گی، 2025 تک مہنگائی کی شرح کو 5 سے 7 فیصد پر لانا ہے، اکتوبر میں مہنگائی ہوگی مگر نومبر سے مہنگائی گرنا شروع ہو جائے گی۔
1/4 زری پالیسی کمیٹی (ایم پی سی) نے آج کے اجلاس میں پالیسی ریٹ کو 22 فیصد پر برقرار رکھنے کا فیصلہ کیا۔https://t.co/RxsBLHPKLm#SBPMonetaryPolicy pic.twitter.com/jS5EMyPoka
— SBP (@StateBank_Pak) September 14, 2023
