اسٹیٹ بینک آف پاکستان کی جانب سے کرنٹ اکاؤنٹ بیلنس کے شائع شدہ ڈیٹا میں تبدیلی سے متعلق وضاحتی بیان جاری کیا گیا ہے۔
سوشل میڈیا پلیٹ فارم پر جاری اعلامیے میں اسٹیٹ بینک نے کہا یہ وضاحت زیرگرش اس خبر کے جواب میں ہے کہ پاکستان دفتر شماریات (پی بی ایس) کے تجارت سے متعلق ڈیٹا پر حالیہ نظرثانی کی بنا پر اسٹیٹ بینک کے تجارت سے متعلق اور کرنٹ اکاؤنٹ بیلنس کے اعداد و شمار پر بھی اسی قسم کی نظر ثانی کی جائے گی۔
اس سلسلے میں اسٹیٹ بینک آف پاکستان یہ وضاحت کرنا چاہتا ہے کہ تجارت سے متعلق اسٹیٹ بینک کا ڈیٹا دراصل تجارتی ادائیگوں کے بارے میں بینکوں سے موصول ہونے والے ڈیٹا کی بنیاد پر مرتب کیا جاتا ہے۔
چنانچہ اسٹیٹ بینک کرنٹ اکاؤنٹ بیلنس کا جو ڈیٹا شائع کرچکا ہے اس میں کوئی بڑی تبدیلی نہیں ہوگی، البتہ معمولی تبدیلیاں بدستور آسکتی ہیں، یہ وضاحت وسیع تر مفاد عامہ میں شائع کی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں