The news is by your side.

Advertisement

بینکوں اور منی چینجرز کو تمام اقسام کے ڈالر وصول کرنے کی ہدایت

کراچی: اسٹیٹ بینک آف پاکستان نے بینکوں اور منی چینجرز کو ہر طرح کے ڈالر وصول کرنے کی ہدایات جاری کر دیں۔

تفصیلات کے مطابق اسٹیٹ بینک حکام نے بینکوں اور منی چینجرز کے نمائندگان سے ملاقات کی۔

بینکنگ سیکٹر ذرائع کے مطابق بینک پرانے ڈیزائن کے نوٹ قبول کرنے سے انکار کر رہے تھے جس کے باعث عوام کو کافی مشکلات کا سامنا تھا۔ اس صورتحال کا منی چینجرز نے خوب فائدہ اٹھایا اور پرانے نوٹوں کے بدلے کم پیسے دیے جس سے عوام کو نقصان ہوا۔

مذکورہ میٹنگ اسی معاملے پر منعقد کی گئی۔ میٹنگ میں بینکوں اور منی چینجرز کو آگاہ کیا گیا کہ مرکزی بینک اس معاملے پر گہری نگاہ رکھے ہوئے ہے۔

اسٹیٹ بینک نے بینکوں اور منی چینجرز کو پابند کیا ہے کہ نئے ہوں یا پرانے تمام ڈالرز قبول کیے جائیں۔

Print Friendly, PDF & Email

Comments

comments

یہ بھی پڑھیں