اسٹیٹ بینک کی جانب سے جاری کردہ اعلامیہ کے مابق کمرشل بینکوں کی شاخیں آج رات 10 بجے تک کھلی رہیں گی۔
اسٹیٹ بینک کے اعلامیے کے مطابق سرکاری ڈیوٹیز اور ٹیکسز وصولی کے لیے کمرشل بینکوں کی شاخیں آج رات 10بجے تک کھلی رہیں گی، کمرشل بینکوں کی شاخیں توسیع شدہ اوقات میں عوام کو خدمات فراہم کریں گی۔
انہوں نے کہا کہ فیڈرل بورڈ آف ریوینیو کی خصوصی درخواست پر بینکوں کے اوقات کار میں توسیع کا فیصلہ کیا گیا ہے، ٹیکس دہندگان کو او ٹی سی کے ذریعے سرکاری ڈیوٹیز اور ٹیکسز میں سہولت دی جائے گی۔
بینک شاخیں نفٹ کی خصوصی کلیئرنگ مکمل ہونے تک ضرورت کے مطابق کھلی رہیں گی، سرکاری ٹیکسز اور ڈیوٹیز کی آن لائن ادائیگی کا عمل مکمل طور پر بلا تعطل جاری رکھنے کی ہدایت کی گئی ہے۔
انٹرنیٹ بینکنگ، موبائل ایپس اور اے ٹی ایم کے ذریعے ٹیکس ادائیگی کی سہولت برقرار رہےگی، تمام ڈیجیٹل پلیٹ فارمز کے ذریعے بھی سرکاری ٹیکسز اور ڈیوٹیز کی ادائیگی کا سلسلہ جاری رہے گا۔
