The news is by your side.

Advertisement

عبدالستار ایدھی کی یاد میں 50روپے کے سکہ کے ڈیزائن پر کام شروع

کراچی : ترجمان اسٹیٹ بینک کا کہنا ہے کہ عبدالستار ایدھی کی یاد میں پچاس روپے کے سکہ کے ڈیزائن پر کام شروع دیا گیا ہے۔

تفصیلات کے مطابق بینک دولت پاکستان کے گورنر جناب اشرف محمود وتھرا نے عبدالستار ایدھی کی دعائیہ تقریب میں اعلان کیا تھا کہ اسٹیٹبینک عبدالستار ایدھی کی یاد میں50روپے کا سکہ جاری کرے گا جو پاکستانی قوم کی جانب سے اپنے محسن کو خراجِ تحسین پیش کرنے کی ایک چھوٹی سی کاوش ہو گی۔

مزید پڑھیں : عبد الستار ایدھی کو خراج تحسین پیش، 50روپے کا اعزازی سکہ جاری کرنے کا فیصلہ

ترجمان اسٹیٹ بینک کا کہنا ہے کہ سکہ جاری کرنے کا فیصلہ حکومت کی جانب سے کیا گیا ہے اور وزیراعظم نواز شریف نے اس کی منظوری جمعہ کے دن منعقدہ کیبنٹ میٹنگ میں دی ہے، جبکہ سکے کا حتمی ڈیزائن حکومت طے کرے گی۔

اس سے قبل وزیراعظم نواز شریف نے گورنر اسٹیٹ بینک اشرف وتھرا کو عبدالستار ایدھی کی یاد میں خصوصی سکہ جاری کرنے کی ہدایت کی تھی۔

اس سے قبل بھی اسٹیٹ بینک قومی ہیروز کی یاد میں چھبیس سکے جاری کرچکی ہیں۔

مزید پڑھیں :  وزیراعظم نوازشریف کی عبدالستار ایدھی کی یاد میں خصوصی سکہ جاری کرنے کی ہدایت

وزیراعظم نے ایدھی کے انتقال پر ایک روزہ قومی سوگ کا اعلان کیا جبکہ عبد الستار ایدھی کو سرکاری اعزاز کے ساتھ سپردِ خاک کیا گیا، عبد الستار ایدھی کی موت کی خبر پوری دنیا کیلئے ایک بڑا صدمہ تھا، ایدھی کےانتقال پر ملک بھر میں سوگ، ہرآنکھ اشک بار تھی۔

واضح رہے کہ عبد الستار ایدھی ہفتے کے روز طویل علالت کے بعد 88 برس کی عمر میں انتقال کر گئے تھے، ان کے گردوں نے کام کرنا چھوڑ دیا تھا۔

ایدھی کو انسانیت کی خدمت ‘ کے نام سے جانا جاتا تھا ، وہ دنیا کی سب سے بڑی ایمبولنس سروس چلا رہے تھے۔

Print Friendly, PDF & Email

Comments

comments

یہ بھی پڑھیں