کراچی: اسٹیٹ بینک نےبزرگ شہریوں اور پینشنرز کے ساتھ بینکوں کے ناروا سلوک کا نوٹس لے لیا۔
اسٹیٹ بینک کی جانب سے جاری کردہ اعلامیےمیں کہا گیا ہے کہ ہدایات کی خلاف ورزی پر بینکوں کے خلاف سخت تادیبی کارروائی کی جائے گی۔
ترجمان اسٹیٹ بینک کے مطابق مرکزی بینک کو اکائونٹ کھلوانے کے خواہش مند بزرگ شہریوں اور پینشنرز کو بینکوں کی جانب سے مختلف بہانوں سے ٹالنے کی متعدد شکایات ملی تھیں۔
بینکوں سے کہا گیا ہے کہ بزرگ شہریوں اور پینشنرز کے اکائونٹس کھولنے،اے ٹی ایم اور کریڈٹ کارڈ کی فراہمی کا عمل یقینی بنایا جائے بصورت دیگر کارروائی کی جائے گی۔
