کراچی: اسٹیٹ بینک رواں مالی سال کی پہلی مانیٹری پالیسی کا اعلان کل کرے گا، شرح سود موجودہ سطح پر برقرار رکھے جانے کا امکان ہے۔
تفصیلات کے مطابق ہفتے کو اسٹیٹ بینک آف پاکستان کا بورڈ معاشی اعداد وشمار کا جائزہ لیکر رواں مالی سال کی پہلی مانیٹری پالیسی کی منظوری دے گا، جس کا اعلان گورنر اسٹیٹ بینک اشرف محمود وتھرا پریس کانفرنس میں کریں گے۔
معاشی ماہرین کے مطابق اسٹیٹ بینک آف پاکستان کی جانب سے آئندہ دو ماہ کیلئے آنے والی نئی مانیٹری پالیسی میں بنیادی شرح سود پانچ اعشاریہ سات پانچ فیصد کی موجودہ سطح پر برقرار رکھے جانے کا امکان ہے۔
- Advertisement -
علاقائی بینکاری فریم ورک کے لیے تعاون بڑھانا ہوگا، گورنر اسٹیٹ بینک
یاد رہے رواں سال اکیس مئی کو مرکزی بینک نے شرح سود 25 بیسز پوائنٹس کمی سے پانچ اعشاریہ سات پانچ فیصد کرنے کا اعلان کیا تھا، جو ملکی تاریخ میں 42 سال کی کم ترین سطح ہے۔
