کراچی : نئی مانیٹری پالیسی کا اعلان آج کیا جائے گا، جس مین شرح سود میں ڈیڑھ سے دو فیصد تک کی کمی متوقع ہے۔
تفصیلات کے مطابق اسٹیٹ بینک اگلے ڈیڑھ ماہ کیلئے نئی مانیٹری پالیسی کا اعلان آج کرے گا۔
مانیٹری پالیسی کمیٹی کا اجلاس گورنر سٹیٹ بینک کی زیرصدارت کراچی میں ہوگا، جس میں ملک کی مائیکرو اور میکرو اکنامک صورتحال سمیت بین الاقوامی حالات کا جائزہ لیا جائے گا۔
مانیٹری پالیسی کے اجلاس میں شرح سود میں ڈیڑھ سے دو فیصد تک کی کمی متوقع ہے۔
اسٹیٹ بینک کا بینکوں کیلئے موجودہ شرح سود 17.5 فیصد پر ہے، معاشی ماہرین کا کہنا ہے کہ اکتوبر میں مہنگائی کی شرح چھ اعشاریہ نوچار فیصد سے بڑھ کر سات اعشاریہ ایک سات فیصد رہی ہے۔ جبکہ ستمبر میں کرنٹ اکاونٹ گیارہ کروڑ نوے لاکھ ڈالر سے سرپلس رہا ہے۔
ماہرین نے مزید کہا کہ موڈیز اور فچ ریٹنگ ایجنسیوں نے پاکستان کی ریٹنگ اپ گریڈ کی ہے۔
