The news is by your side.

Advertisement

دس روپے کا سکہ پیر کو جاری کیا جائے گا

اسلام آباد : وفاقی وزارت خزانہ نے اسٹیت بینک آف پاکستان کو 10 روپے کا سکہ جاری کرنے کا اختیار دے دیا یہ سکہ 24 اکتوبر کو جاری کیا جائے گا۔

تفصیلات کے مطابق وزارت خزانہ کی جانب سے 22 اکتوبر کو جاری کردہ اعلامیے کے مطابق 27 جولائی کی تعمیل میں اسٹیٹ بینک آف پاکستان کو 10 روپے کا سکّہ جاری کرنے کا اختیار دے دیا گیا ہے۔

واضح رہے کہ یہ سکہ24 اکتوبر کو اسٹیٹ بینک آف پاکستان کے بینکنگ سروسز کارپوریشن کے تمام فیلڈ دفاتر کے ایکسچینج کاؤنٹرز سے جاری کیا جائے گا۔

یہ سکہ پیلے رنگ کا اور گول ہے اس کے کنارے پر دندانے ہیں، اس کا قطر 25.5ملی میٹر ہے اور سکّے کا وزن 5.50 گرام ہے ۔

سکے کی دیگر خصوصیات درج ذیل ہیں:

سامنے کا رخ:

سامنے کے رخ پر وسط میں بڑھتا ہوا ہلال اور پانچ نوکوں کا ابھرتا ہوا ستارہ ہے جس کا رخ شمال مغرب کی طرف ہے۔ ستارے اور ہلال کے اوپر کنارے کے ساتھ ساتھ اردو میں ’اسلامی جمہوریہ پاکستان‘ کندہ ہے۔ ہلال کے نیچے اور گندم کی اوپر کی طرف خمیدہ دو بالیوں کے اوپر عددی صورت میں سکّے کا سالِ اجرا درج ہے۔ سکّے کے پورے کنارے پر چھوٹے موتیوں کا دائرہ ہے۔

coin-front

پچھلا رخ:

coin-back

پچھلے رخ پر وسط میں فیصل مسجد کی سامنے سے لی گئی تصویر موجود ہے جس پر فاختائیں اُڑتی نظر آ رہی ہیں۔ سکّے کے نچلی طرف اس کی مالیت جلی اعداد میں ’’10‘‘ اور اردو میں ’’روپیہ‘‘ کندہ ہے۔ سکّے کے پورے کنارے پر چھوٹے موتیوں کا دائرہ ہے۔

Comments

comments

یہ بھی پڑھیں