کراچی : چودہ اگست 2023 کو مزارقائد سے چار سالہ عائشہ کو اغوا کرنے والے میاں بیوی کا اہم بیان سامنے آگیا۔
تفصیلات کے مطابق کراچی میں 14 اگست2023 کو مزار قائد سے 4سالہ بچی کے مبینہ اغوا کے واقعے میں اہم پیش رفت سامنے آئی ، پولیس نے مبینہ اغوا کار سمیر اور اس کی اہلیہ سیما کو گرفتار کرلیا۔
بچی کو ساتھ لے جانے والے گرفتار ملزمان کا بیان سامنے آگیا، گرفتار ملزم سمیر نے بتایا کہ ہم نے بچی کو اغوا نہیں کیا تھا ،وہ مزار قائد سے ملی تھی۔
ہم نے پتہ کیا تو بچی کا کوئی وارث نہ ملا، میں موٹر مکینک ہوں ، شادی کو 7سال ہو گئے بے اولاد ہوں، اولاد کا سوچ کر بچی کو لے کر اپنے گھر چلے گئے تھے۔
بچی کا خیال بھی رکھتے تھے، والدہ نے کہا اسے اپنے پاس رکھ لو لیکن والدہ کی طبیعت خراب ہونے پر اسپتال جانا پڑتا تھا، ہم نے پڑوس میں بچی دی اور کہا اسے سنبھالیں۔
پڑوسیوں کو بھی اس بچی سے محبت ہو گئی تھی، پولیس جب ہمارے گھر آئی تو ہم پڑوس میں لے گئے، بچی کو پڑوسیوں سے ہی ریکور کیا گیا۔
پولیس حکام کا کہنا تھا کہ ۔ملزمان کو عدالت میں پیش کر کے ریمانڈ حاصل کریں گے۔
گذشتہ روز گزشتہ سال چودہ اگست کو نمائش چورنگی لاپتہ ہونے والی عائشہ دس ماہ بعد والدین مل گئی تھی، دس ماہ بعد جب بیٹی ماں کو ملی تو پہچان نہ سکی۔
والدہ کا کہنا ہتھا کہ دس ماہ جس کرب میں گزرے ناقابل بیان ہے، بیٹی کو ڈھونڈنے کیلئے ہر ممکن کی کوشش کی، بیٹی کےغم میں میرے شوہربیمار ہوگئے، اےآروائی کا شکریہ جو ہمارا ساتھ دیا۔
ننھی عائشہ کی دیکھ بھال کرنے والے خاندان کا کہنا تھا کہ یہ بچی سرجانی لیاری کی ایک فیملی کے پاس تھی جسے برے حال میں رکھا جارہا تھا، ہم نے اسے رکھ لیا اور اپنے بچوں کی طرح دیکھ بھال کی، سوشل میڈیا سےوالدین کا پتا چلا تو رابطہ کیا۔
ننھی عائشہ کی دیکھ بھال کرنے والے خاندان نے پولیس کو بیان دیتے ہوئے کہا تھا کہ عائشہ3 ،4ماہ سےہمارےپاس تھی، بچی کو سرجانی کے علاقے لیاری میں فیملی نےقیدکررکھاتھا، وہ لوگ بچی کونہ کھاناکھلاتےنہ پہننےکوکپڑےدیتےتھے، جن لوگوں کےپاس پہلے بچی تھی وہ اسےفروخت کرنا چاہتے تھے۔
پولیس کے مطابق عبدالمعیزنامی شخص بچی اور اس کی والدہ کو لے عزیز آباد تھانے پہنچے اور حالت سے پولیس کو آگاہ کیا۔
