بانی پی ٹی آئی اور بشریٰ بی بی کیخلاف توشہ خانہ ریفرنس میں مزید 2 گواہان کے بیان قلمبند کر لیے گئے۔
تفصیلات کے مطابق احتساب عدالت کے جج محمد بشیر نے اڈیالہ جیل میں کیس کی سماعت کی تو نیب ڈپٹی پراسیکیوٹر جنرل سردار مظفر، وکیل امجد پرویز اور پراسیکیوٹرز عرفان بھولا پیش ہوئے۔
وکلا صفائی سردار لطیف کھوسہ، شہباز کھوسہ اور دیگر عدالت میں پیش ہوئے۔ اڈیالہ جیل میں وکلا صفائی نے گواہ فہیم پر جرح مکمل کرلی۔
عدالت نے دو گواہان محسن اور عرفان رفاقت کے بیانات قلمبند کرتے ہوئے مزید سماعت کل تک کیلئے ملتوی کر دی۔
نکاح کیس میں بانی پاکستان تحریک انصاف اور ان کی اہلیہ نشریٰ بی بی پر فرد جرم عائد کر دی گئی۔
دورانِ سماعت بانی پی ٹی آئی نے عدالت کے روبرو صحت جرم سے انکار کیا۔
بشریٰ بی بی کے جیل سے بغیر بتائے جانے پر عدالت نے برہمی کا اظہار کیا۔ سینئر سول جج قدرت اللہ نے کہا کہ کیا کسی نے بشر یٰ بی بی کو نہیں بتایا کہ عدالت سے اجازت لے کر جانا ہوتا ہے؟ گزشتہ سماعت پر وارنٹ کا حکم دیا لیکن وکلا کا بھرم رکھتے ہوئے ایشو نہیں کیا۔
