The news is by your side.

Advertisement

کوئٹہ میں عبدالستار ایدھی کے نصب مجسمے کا افتتاح کردیا گیا

کوئٹہ : بلوچستان کے دالحکومت کوئٹہ میں عبدالستار ایدھی کے نصب مجسمے کا افتتاح کردیا گیا، بلوچستان سے تعلق رکھنے والے آرٹسٹ اسحاق لہڑی نے عبدالستار ایدھی کا 18فٹ مجسمہ بنایا ہے۔

تفصیلات کے مطابق عبد الستار ایدھی کی پانچویں برسی پر کوئٹہ میں عبدالستارایدھی کے مجسمے کے لئے افتتاحی پروگرام کا انعقاد کیا گیا ، پروگرام میں فیصل ایدھی نے عبد الستار ایدھی کے مجشمے کا افتتاح کیا۔

مجسمے کے افتتاحی پروگرام میں وزیر داخلہ ضیا لانگو نے شرکت کی، اس موقع پر میڈیا سے گفتگو کرتے ہوئے فیصل ایدھی نے کہا کہ بلوچستان کی عوام عبد الستار ایدھی سے بے پناہ محبت کرتے تھے عبدالستار ایدھی نے کسی بھی مشکل گھڑی میں بلوچستان کے لوگوں کو تنہا نہیں چھوڑا۔

ان کا کہنا تھا کہ عبدالستار ایدھی کی مشن کو آگے بڑھائیں گے اوردکھی انسانیت کی خدمت جاری رہے گا، عبدالستار ایدھی نے بلوچستان کے دور دراز علاقوں میں عوام کی خدمت کی اور عبدالستار ایدھی کا مجسمہ نصب کرنا ان سے محبت بے لوث محبت کا دلیل ہے۔

خیال رہے بلوچستان سے تعلق رکھنے والے آرٹسٹ اسحاق لہڑی نے عبدالستار ایدھی کا 18فٹ مجسمہ بنایا ، جسےریڈ زون کے قریب عبدالستار ایدھی چوک پر نصب کیا گیا تھا۔

یاد رہے دکھی انسانیت کے مسیحا، ہزاروں یتیموں کے والد، بے سہاروں کا سہارا، بابائے خدمت، فخر پاکستان اور ایدھی فاوٴنڈیشن انٹرنیشنل کے بانی عبد الستار ایدھی کو بچھڑے پانچ برس بیت گئے، عبدالستار ایدھی نے زندگی میں کئی چیلنجز کاسامنا کیا مگران کی صاف نیت اور مستقل مزاجی نے انہیں ہرمیدان میں کامیابی سے ہمکنارکیا۔

Comments

یہ بھی پڑھیں