تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بہت کم بیمار ہونے والے افراد کی چند عادات

آپ ان لوگوں کو بہت خوش قسمت سمجھتے ہوں گے جو کبھی بیمار نہیں ہوتے یا بہت کم بیمار ہوتے ہیں۔ ایسا نہیں کہ ان میں کوئی سپر پاور ہوتی ہے جو انہیں بیمار ہونے سے روکتی ہے۔ دراصل ان کی کچھ عادات انہیں صحت مند رکھتی ہیں اور انہیں بیمار ہونے سے بچاتی ہیں۔

آپ بھی ان کی عادات سے واقفیت حاصل کیجیئے تاکہ آپ بھی بیماریوں سے دور رہ سکیں۔


وٹامن سی کی گولیوں سے دوری

صحت مند افراد وٹامن سی کی گولیوں سے دور رہتے ہیں۔ حیران ہوگئے؟ جی ہاں ایسا ہی ہے کیونکہ یہ اپنے جسم کی تمام ضروریات غذا سے پوری کرتے ہیں لہٰذا انہیں سپلیمنٹس اور دواؤں کی ضرورت نہیں پڑتی۔


نیند پوری کرنا

نیند کی کمی اکثر بیماریوں کی جڑ ہے۔ سر درد، تھکن، کام میں دلچسپی نہ ہونا، کسی چیز پر یکسوئی مرکوز نہ کر پانا، چڑچڑاہٹ یہ سب نیند کی کمی کے باعث پیدا ہوتے ہیں۔

جو لوگ زیادہ طویل عرصے تک نیند کی کمی کا شکار ہوتے ہیں ان میں دل کے دورہ اور فالج کا خطرہ بھی بڑھ جاتا ہے۔ کم بیمار ہونے والے افراد ہمیشہ اپنی 8 گھنٹے کی نیند پوری کرتے ہیں جو جسم کے لیے ضروری ہے۔


ٹینشن سے دور رہتے ہیں

ڈپریشن اور ٹینشن انسان کو ختم کر سکتا ہے۔ یہ آپ کی خوشیوں اور ذہنی سکون کو برباد کر سکتا ہے۔ صحت مند رہنے والے افراد ٹینشن سے دور رہتے ہیں۔


ورزش کرنا

کم بیمار ہونے والے افراد ورزش کرتے ہیں۔ ورزش ذہنی دباؤ کو کم کرنے میں مدد کرتی ہے جبکہ یہ جسمانی اعضا کو فعال بناتی ہے جس سے وہ اپنی کارکردگی بہتر طور پر سر انجام دیتے ہیں۔


چائے پینا

شہد اور لیموں والی چائے جسم میں موجود مضر جراثیم کو ختم کرنے میں مدد فراہم کرتی ہے۔ ایسی چائے جس میں لیموں اور شہد کی آمیزش ہو آپ کے جسم کو نم رکھتی ہے اور خشکی سے بچاتی ہے جس سے جراثیموں کو پھلنے پھولنے کا موقع کم ملتا ہے۔

تو پھر کیا خیال ہے آپ ان عادات کو کب سے اپنانے جا رہے ہیں؟


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -