ناٹنگھم : برطانیہ میں اپنی نوعیت کا ایک انوکھا واقعہ پیش آیا ہے کہ جس میں درجنوں نوجوانوں نے ایک ریستوران پر دھاوا بول کر وہاں سے کھانے پینے کی اشیا لوٹ لیں اور فرار ہوگئے۔
یہ واقعہ کلمبر اسٹریٹ ناٹنگھم میں اتوار کی شام پیش آیا جب اچانک 50 سے زائد نوجوانوں پر مشتمل ایک ٹولہ فاسٹ فوڈ ریستوران پر حملہ آور ہوا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ حملہ آوروں کا گروپ فاسٹ فوڈ ریستوران میں گھس کر کھانا اور سافٹ ڈرنکس لوٹ رہا ہے۔
اس دوران مشتعل حملہ آور مرکزی کاؤنٹر پر چھلانگیں لگاتے ہوئے کچن میں گھس گئے توڑ پھوڑ کی، وہاں موجود سارا عملہ بے بسے کے عالم میں کھڑا انہیں دیکھتا رہا۔
Police are studying CCTV after a mob of 50 youths looted this McDonald's in Nottingham last night and threatened staff. A police spokesman said the incident is being treating as "commercial burglary". pic.twitter.com/W5NXdy3nZb
— TalkTV (@TalkTV) August 23, 2022
اس حوالے سے ریستوران کے ترجمان نے میڈیا کو بتایا کہ وہ اس افراتفری کے واقعے کو دیکھ کر حیران اور خوفزدہ ہیں۔
ترجمان نے بتایا کہ اس واقعے کی اطلاع پولیس کو دے دی گئی جو بروقت ریستوران میں پہنچ گئی تھی، واقعے کی تحقیقات کیلیے ہم پولیس سے اپنا ہر ممکن تعاون کریں گے۔
پولیس کے ایک ترجمان نے کہا کہ ہم اس واقعہ کو بہت سنجیدگی سے لے رہے ہیں۔ یہ ایک نقب زنی کی واردات ہے کیونکہ اس گروپ نے ریستوران میں زبردستی داخل ہوکر توڑ پھوڑ کی اور کچن سے کھانا اور سافٹ ڈرنکس چوری کیں جو کسی بھی طرح ناقابل قبول نہیں ہے۔”
انہوں نے مزید کہا کہ ابھی تک کوئی گرفتاری عمل میں نہیں آئی ہے لیکن ہم عملے کے ساتھ مل کر کام کررہے ہیں واقعے کے تمام ذمہ داروں کو تلاش کرکے ان کیخلاف سخت قانونی کارروائی کریں گے۔
